ۋكراينا پرەزيدەنتى ۆلاديمير زەلەنسكي كيەۆتە جول اپاتىنا ۇشىرادى. بۇل تۋرالى پرەزيدەنتتىڭ ءباسپاسوز حاتشىسى سەرگەي نيكيفوروۆ ءوزىنىڭ فەيسبۋك پاراقشاسىندا حابارلادى، دەپ جازادى "ادىرنا" ۇلتتىق پورتالى.
ونىڭ ايتۋىنشا، پرەزيدەنتتىڭ كارتەجى جەڭىل اۆتوكولىكپەن سوقتىعىسقان.
"مەملەكەت باسشىسىنىڭ جانىنداعى دارىگەرلەر جەڭىل كولىكتىڭ جۇرگىزۋشىسىنە العاشقى مەديتسينالىق كومەك كورسەتىپ، ونى جەدەل جاردەمگە تاپسىردى", - دەدى نيكيفوروۆ.
نيكيفوروۆ پرەزيدەنت دارىگەرگە قارالعانىن جانە الاڭداۋعا ەش نەگىز جوق ەكەنىن اتاپ ءوتتى.
"جول اپاتىنىڭ ءمان-جايىن قۇقىق قورعاۋ ورگاندارى انىقتايدى", – دەپ جازدى ول.
"ادىرنا" ۇلتتىق پورتالى
