وقۋ-اعارتۋ مينيسترلىگى ەلىمىزدىڭ بارلىق وڭىرىندەگى ءبىلىم باسقارمالارى باسشىلارىنىڭ ۇيالى تەلەفوندارى مەن الەۋمەتتىك جەلىدەگى اككاۋنتتارىن جاريالادى. سونداي-اق ورىنباسارلارىنىڭ نومىرلەرى دا كورسەتىلگەن. بۇل ازاماتتاردىڭ وتىنىشتەرىنە جەدەل جاۋاپ بەرۋ ماقساتىندا جاريالانىپ وتىر، دەپ حابارلايدى «ادىرنا» ءتىلشىسى ۆەدومستۆونىڭ ءباسپاسوز قىزمەتىنە سىلتەمە جاساپ.
«ءبىلىم بەرۋ ۇيىمدارىنىڭ جۇمىسىنا، بالالاردى وقىتۋعا جانە باسقا دا ماسەلەلەرگە قاتىستى سۇراقتار تۋىنداعان جاعدايدا قازاقستاندىقتار ءبىلىم باسقارمالارى مەن اۋماقتىق بولىمدەردىڭ باسشىلارىنا تىكەلەي حابارلاسا الادى. اتا-انالار، پەداگوگتەر ءبىلىم سالاسىنداعى پروبلەمالار جايىندا حابارلاي الادى. باسشىلار ازاماتتاردىڭ وتىنىشتەرىنە جەدەل دەن قويىپ، قاجەتتى شەشىمدەردى ۋاقىتىندا قابىلداۋى قاجەت. قارجىلاندىرۋ، قۇرىلىس، جوندەۋ جۇمىستارى اكىمدىكتەردىڭ قۇزىرىندا ەكەنىن ەستەرىڭىزگە سالا كەتەيىن»، - دەدى مەكتەپكە دەيىنگى جانە ورتا ءبىلىم كوميتەتىنىڭ توراعاسى گۇلميرا كارىموۆا.
سونىمەن قاتار ءبىلىم باسقارمالارىندا call-ورتالىقتار قۇرىلدى. وعان دا ازاماتتار ءبىلىم بەرۋ ماسەلەلەرى بويىنشا جۇگىنە الادى. Call-ورتالىقتاردىڭ نومىرلەرى الەۋمەتتىك جەلىلەردەگى پاراقشالاردا جاريالانعان.
