Oqu-aǧartu ministrlıgı elımızdıŋ barlyq öŋırındegı bılım basqarmalary basşylarynyŋ ūialy telefondary men äleumettık jelıdegı akkaunttaryn jariialady. Sondai-aq orynbasarlarynyŋ nömırlerı da körsetılgen. Būl azamattardyŋ ötınışterıne jedel jauap beru maqsatynda jariialanyp otyr, dep habarlaidy «Adyrna» tılşısı vedomstvonyŋ baspasöz qyzmetıne sılteme jasap.
«Bılım beru ūiymdarynyŋ jūmysyna, balalardy oqytuǧa jäne basqa da mäselelerge qatysty sūraqtar tuyndaǧan jaǧdaida qazaqstandyqtar bılım basqarmalary men aumaqtyq bölımderdıŋ basşylaryna tıkelei habarlasa alady. Ata-analar, pedagogter bılım salasyndaǧy problemalar jaiynda habarlai alady. Basşylar azamattardyŋ ötınışterıne jedel den qoiyp, qajettı şeşımderdı uaqytynda qabyldauy qajet. Qarjylandyru, qūrylys, jöndeu jūmystary äkımdıkterdıŋ qūzyrynda ekenın esterıŋızge sala keteiın», - dedı Mektepke deiıngı jäne orta bılım komitetınıŋ töraǧasy Gülmira Kärımova.Sonymen qatar bılım basqarmalarynda call-ortalyqtar qūryldy. Oǧan da azamattar bılım beru mäselelerı boiynşa jügıne alady. Call-ortalyqtardyŋ nömırlerı äleumettık jelılerdegı paraqşalarda jariialanǧan.
