الماتى قالاسى ىشكى ساياسات باسقارماسىنىڭ قولداۋىمەن قولعا الىنعان «ازاماتتىق بورىش» جوباسى اياسىندا 13 قىركۇيەك كۇنى تەمىر جول كولدلەدجىندە اۋعان سوعىسى ارداگەرلەرىمەن كەزدەسۋ ءوتتى. شاراعا ارداگەرلەردەن ارعىنبەك ەسىمحانۇلى، بايداۋلەت قۇرمانقوجاۇلى، ءادىل بەكتاسۇلى قاتارلى سوعىس كۋاگەرلەرى قاتىستى. ارداگەرلەرمەن ەمەن-جارقىن اڭگىمە قۇرىپ، ەستەلىكتەر تىڭداعان ستۋدەنتتەر: «اۋعان سوعىسىنىڭ ارداگەرلەرى، ءبىز سىزدەردى جاقسى كورەمىز. سىزدەرگە جاسىماس جىگەر تىلەيمىن. سوعىس بولماسىن، امان بولىڭىزدار!» - دەگەن اقجارما تىلەكتەرىن ءبىلدىردى. سونداي-اق، «كەڭەس اسكەرىنىڭ اۋعان جەرىنەن شىعارىلعانىنا تابانى كۇرەكتەي 29 جىل ءوتىپتى. الايدا سول سوعىستىڭ زاردابى ەشكىمنىڭ جۇرەگىنەن وشكەن جوق، ول جارا جازىلمايدى. قازىرگى ساتتە ءبىزدىڭ ءجۇزىمىز جارقىن كورىنگەنىمەن، ءار ارداگەردىڭ جۇرەكتەرى جىلاپ تۇر. قازا بولعان مايدانداس دوستارىڭىزدىڭ بەينەسى ەشۋاقىتتا سانادان وشپەيتىنىن بىلەمىز. ەندىگى ءبىزدىڭ ارمانىمىز، تىلەگىمىز كەيىنگى ۇرپاق مۇنداي قىرعىندى كورمەسىن، ەلىمىز امان، جۇرتىمىز تىنىش بولسىن وسىنداي ءمانى زور جۇزدەسۋدى وتكىزۋگە ۇيىتقى بولعان «ادىرنا» بىرلەستىگىنە العىس بىلدىرەمىن» - دەستى. ال ارداگەرلەر بولسا: «ارينە، اۋعان سوعىسىنىڭ سالعان زاردابى، قايعىسى مەن قاسىرەتى ەشقاشان ۇمىتىلماق ەمەس. جىل سايىن اقپاندا وسىلاي باس قوسىپ، اڭگىمەلەسىپ، شەر تارقاتىپ الامىز. سول ءۇشىن بارىڭىزگە راحمەت. قاتارىمىز سيرەمەي امان-ەسەن وسىلاي جولىعىپ جۇرەيىك. وسىندا جينالىپ، ءبىزدىڭ اڭگىمەمىزگە قۇلاق اسقان جاستارعا، ۇيىمداستىرۋشىلارعا العىس ايتامىز» - دەپ تارقاستى.
1979 جىلى 25 جەلتوقساندا كەڭەس وداعى «اۋعانستان ەلىنە ينتەرناتسيونالدىق كورسەتەمىز» دەگەن جەلەۋمەن ونىڭ قارۋلى كۇشتەرىن سول ەلدەگى ازاماتتىق سوعىسقا قاتىستىرىپ جانە كەڭ كولەمدە اسكەري ءىس-قيمىلدار جۇرگىزدى. «تاۋلار الىستاعان سايىن، بيىكتەي تۇسەدى»، دەگەندەي، قانشا ۋاقىت وتسە دە بۇل كۇن ماڭىزىن جوعالتقان ەمەس.
