قوعامدىق ساياسات ينستيتۋتى 2022 جىلعى 7 قىركۇيەكتە تەلەفون ارقىلى ساۋالناما جۇرگىزدى. نۇر-سۇلتان, الماتى، شىمكەنت قالالارى مەن 17 وبلىستىڭ قالا جانە اۋىل تۇرعىندارى اراسىندا 18 جاستان اسقان 2394 رەسپوندەنتتەن ساۋالناما الىندى، دەپ حابارلايدى “ادىرنا” ۇلتتىق پورتالى.
زەرتتەۋ ناتيجەلەرى مەملەكەت باسشىسىنىڭ قازاقستان حالقىنا جولداۋىندا كوتەرىلگەن ساياسي باستامالاردى حالىقتىڭ وڭ قابىلداعانىن كورسەتتى.
ەستەرىڭىزگە سالا كەتەيىك, مەملەكەت باسشىسى ق.ك. توقاەۆ 2022 جىلعى 1 قىركۇيەكتەگى قازاقستان حالقىنا جولداۋىندا پرەزيدەنتتىڭ وكىلەتتىك مەرزىمىنىڭ سانى مەن ۇزاقتىعىن قايتا قاراۋدى ۇسىنعان بولاتىن. اتاپ ايتقاندا, پرەزيدەنتتىڭ مانداتىن ەكىنشى رەت قايتا سايلانۋ قۇقىعىنسىز 7 جىلعا سوزىلاتىن تەك ءبىر مەرزىممەن شەكتەۋ تۋرالى باستاما كوتەرىلدى.
سۇرالعانداردىڭ باسىم كوپشىلىگى (82,4%) بۇل ساياسي جاڭاشىلدىقتى قولدايدى.
بۇل باستامانى قولدايتىندار نەگىزىنەن مىناداي دالەل كەلتىرەدى:
- 7 جىل ىشىندە كەز-كەلگەن سايلاۋالدى باعدارلامانى جۇزەگە اسىرۋعا بولادى (61,7%);
- 7 جىل ىشىندە بيلىكتىڭ بارلىق قۇرىلىمدارىن مونوپوليالاپ الۋ مۇمكىن ەمەس (14,9%).
سونداي-اق, ءاربىر 5-ءشى رەسپوندەنت ءۇشىن(19,5%) ەڭ باستى ماسەلە - پرەزيدەنتءتىڭ تەك ءبىر رەت قانا سايلاناتىنى.
”ادىرنا” ۇلتتىق پورتالى
