امەريكالىق ميللياردەر يلون ماسك “ارنايى ۇكىمەتتىك قىزمەتكەر” رەتىندەگى لاۋازىمىنان كەتەتىنىن ايتتى، دەپ حابارلايدى “ادىرنا” ۇلتتىق پورتالى.
ماسك ءوزىنىڭ قىزمەتىنەن كەتەتىنىن 29 مامىر، بەيسەنبىگە قاراعان ءتۇنى ح الەۋمەتتىك جەلىسىندەگى پاراقشاسىندا جازدى.
“ارنايى ۇكىمەتتىك قىزمەتكەر رەتىندەگى وكىلەتتىگىمنىڭ مەرزىمى اياقتالىپ كەلە جاتقاندىقتان، ماعان ىسىراپشىل شىعىنداردى قىسقارتۋعا مۇمكىندىك بەرگەنى ءۇشىن پرەزيدەنت دونالد ترامپقا العىس ايتقىم كەلەدى”، – دەدى ول.
ماسك باسقاراتىن ۇكىمەت تيىمدىلىگى دەپارتامەنتىنىڭ ميسسياسى الداعى ۋاقىتتا نىعايا تۇسەتىنىنە سەنىمدى ەكەنىن ايتتى. ونىڭ پىكىرىنشە، بۇل باستاما ۋاقىت وتە كەلە بۇكىل ۇكىمەتتىڭ ءومىر سالتىنا اينالماق.
ەسكە سالا كەتەيىك، ارنايى مەملەكەتتىك قىزمەتكەر رەتىندە ماسكتىڭ قىزمەت ەتۋ مەرزىمى 130 كۇنمەن شەكتەلگەن.
ۇقساس جاڭالىقتار
