موڭعوليا پرەزيدەنتى ۋحنااگين حۇرەلسۇح پرەمەر-مينيستر زاندانشاتار گومبوجاۆتىڭ وتستاۆكاسى تۋرالى پارلامەنت قابىلداعان شەشىمىمەن كەلىسپەدى، دەپ حابارلايدى "ادىرنا" ۇلتتىق پورتالى Montsame News Agency-گە سىلتەمە جاساپ.
اتالعان شەشىم 17 قازان كۇنى پارلامەنتتىڭ پلەنارلىق وتىرىسىندا قابىلدانعان. 111 دەپۋتاتتىڭ 71-ءى ۇكىمەت باسشىسىنىڭ وتستاۆكاسىن قولداپ داۋىس بەرگەن.
الايدا مەملەكەت باسشىسى داۋىس بەرۋ كەزىندە راسىمدىك بۇزۋشىلىقتار بولعانىن جانە داۋىس ساناۋ فورمۋلاسى دۇرىس قولدانىلماعانىن ايتتى. ونىڭ سوزىنشە، دەپۋتاتتاردىڭ قاتىسۋ ءتىزىمى 16 قازانداعى دەرەك بويىنشا الىنعان، ال داۋىس بەرۋ كۇنى جاڭارتىلماعان.
«مۇنداي راسىمدىك كەمشىلىكتەر كونستيتۋتسيا تالاپتارىن بۇزىپ، زاڭ ۇستەمدىگى قاعيداتىنا قايشى كەلەدى»،- دەلىنگەن پرەزيدەنت اكىمشىلىگى حابارلاماسىندا.
سول سەبەپتى پرەمەر-ءمينيستردىڭ وتستاۆكاسى تۋرالى شەشىمنىڭ كۇشى جويىلدى. پرەزيدەنتتىڭ تىيىم سالعان شەشىمى زاڭدا بەلگىلەنگەن تارتىپپەن قايتا قارالاتىن بولادى.
