قىزىلوردا قالاسىندا 27 جاستاعى كەلىنشەكتى جولداسى ۇرىپ ولتىرگەن

6687
Adyrna.kz Telegram
فوتو:instagram/nemolchi.kz
فوتو:instagram/nemolchi.kz

قىزىلوردا قالاسىندا 27 جاستاعى كەلىنشەكتى جولداسى ۇرىپ ولتىرگەن. ادام ءولتىرۋ وقيعاسى 3 تامىزدا وبلىس ورتالىعىندا بولعان. بۇل تۋرالى Instagram الەۋمەتتىك جەلىسىندەگى nemolchi.kz-پاراقشاسى جازدى، دەپ حابارلايدى “ادىرنا” ۇلتتىق پورتالى.

پوليتسەيلەر كۇدىكتىنى، جابىرلەنۋشىنىڭ 29 جاستاعى كۇيەۋىن ۇستادى. بىراق تۋىستارى بۇل قايعىلى وقيعاعا قاتىسى بار بارلىق ادامنىڭ جازالانۋىن تالاپ ەتىپ وتىر.

جازبادا مارقۇم سول كۇنى كۇيەۋىمەن بىرگە تۋعان كۇنىن تويلاۋ ءۇشىن دامحاناعا بارۋى كەرەك بولعانىن ايتقان حابارلامالار بار. قايعىلى وقيعانىڭ جاي-جاپسارىن ولارعا كافە قىزمەتكەرلەرى ايتىپ بەرگەن.

قايتىس بولعان كەلىنشەكتىڭ اپكەسى الدىمەن «نەمولچي» قورىنان كومەك سۇراعان.

قايتىس بولعان كەلىنشەكتىڭ اپكەسىنىڭ ايتۋىنشا، كۇيەۋ بالاسى ءسىڭلىسىنىڭ ساۋ تامتىعىن قالدىرماي پىشاق سۇققان. ال ونىڭ وقيعا ورنىنان جاسىرىنۋىنا تۋعان اعاسى كومەكتەسسە، جەڭگەسى قىلمىستىڭ بولعانىن جاسىرعان.

سونداي-اق، قانسىراعان ايەلدىڭ  ۆيدەوسى قىلمىس بولعان جەردە ءتۇسىپ قالعان. بىراق كاراوكە يەلەرى كامەرا جۇمىس ىستەمەيدى دەپ قاشقاقتاپ وتىرعان كورىنەدى.

«ەكەۋى ۇيلەنگەن كۇندەرىن اتاپ وتەمىز دەپ كافەگە كەتكەن. اناما تاڭعى 4-تە ۋچاسكەلىك پوليتسيا حابارلاسىپ، قىزىڭىز وتىرعان كاراوەكەگە 94 مىڭ تەڭگە قارىز. شوتتى تولەمەسەڭىزدەر، كاسىپ يەسى ارىز جازباقشى دەدى. سوسىن، ءسىزدىڭ كۇيەۋ بالاڭىز قىزىڭىزدى ابدەن ۇرىپ، ەكى رەت ەسىنەن تاندىردى. ارتىنشا، بىزبەن توبەلەستى. قىزىڭىزدى كورسەڭىز، دارىگەرگە كورسەتىڭىز دەگەن. بىراق وزدەرى اراشا تۇسپەگەن، ونىڭ قاشىپ كەتۋىنە جول بەرگەن. كۇيەۋى ءسىڭلىمدى اعاسىنىڭ ۇيىنە الىپ بارعان، سول ءۇيدىڭ كورشىلەرى كەلىنشەكتىڭ باسىنان تەمىرمەن ۇرىپ جاتقانىن كورگەن. اقىرى ءولتىرىپ تىنعان سوڭ ولار مايىتتەن قۇتىلماقشى بولعان. بىراق قىزدىڭ اناسى سول ۇيگە بارا جاتىرمىن دەگەن سوڭ، ولار ۇلگەرمەي قالعان. بىراق جولداسى قاشىپ كەتكەن»، - دەپ ءتۇسىندىردى مارقۇمنىڭ اپكەسى.

بۇگىن قىزىلوردا قالاسىنىڭ پوليتسيا دەپارتامەنتى كۇدىكتىنىڭ قولعان تۇسكەنىن حابارلادى.

«قىزىلوردا تۇرعىنى 3 تامىزدا تۇندە ماس كۇيىندە ايەلىن ۇرىپ-سوققان. 27 جاستاعى ازامات اۋىر دەنە جاراقاتىنان كوز جۇمدى. وقيعا ورنىنان قاشىپ كەتكەن 29 جاستاعى قالا تۇرعىنىن ۇستاۋ ماقساتىندا جەدەل-تەرگەۋ توبى قۇرىلدى. شۇعىل جەدەل-ىزدەستىرۋ ءىس-شارالارىن جۇرگىزۋ بارىسىندا ول جاسىرىنىپ جۇرگەن دوسىنىڭ ۇيىندە ۇستالدى»، - دەلىنگەن قىزىلوردا قالاسىنىڭ پوليتسيا دەپارتامەنتى تاراتقان حابارلامادا.

”ادىرنا” ۇلتتىق پورتالى 

پىكىرلەر