Qyzylorda qalasynda 27 jastaǵy kelinshekti joldasy uryp óltirgen. Adam óltirý oqıǵasy 3 tamyzda oblys ortalyǵynda bolǵan. Bul týraly Instagram áleýmettik jelisindegi nemolchi.kz-paraqshasy jazdy, dep habarlaıdy “Adyrna” ulttyq portaly.
Polıeıler kúdiktini, jábirlenýshiniń 29 jastaǵy kúıeýin ustady. Biraq týystary bul qaıǵyly oqıǵaǵa qatysy bar barlyq adamnyń jazalanýyn talap etip otyr.
Jazbada marqum sol kúni kúıeýimen birge týǵan kúnin toılaý úshin dámhanaǵa barýy kerek bolǵanyn aıtqan habarlamalar bar. Qaıǵyly oqıǵanyń jaı-japsaryn olarǵa kafe qyzmetkerleri aıtyp bergen.
Qaıtys bolǵan kelinshektiń ápkesi aldymen «Nemolchı» qorynan kómek suraǵan.
Qaıtys bolǵan kelinshektiń ápkesiniń aıtýynsha, kúıeý balasy sińlisiniń saý tamtyǵyn qaldyrmaı pyshaq suqqan. Al onyń oqıǵa ornynan jasyrynýyna týǵan aǵasy kómektesse, jeńgesi qylmystyń bolǵanyn jasyrǵan.
Sondaı-aq, qansyraǵan áıeldiń vıdeosy qylmys bolǵan jerde túsip qalǵan. Biraq karaoke ıeleri kamera jumys istemeıdi dep qashqaqtap otyrǵan kórinedi.
«Ekeýi úılengen kúnderin atap ótemiz dep kafege ketken. Anama tańǵy 4-te ýchaskelik polıııa habarlasyp, qyzyńyz otyrǵan karaoekege 94 myń teńge qaryz. Shotty tólemeseńizder, kásip ıesi aryz jazbaqshy dedi. Sosyn, sizdiń kúıeý balańyz qyzyńyzdy ábden uryp, eki ret esinen tandyrdy. Artynsha, bizben tóbelesti. Qyzyńyzdy kórseńiz, dárigerge kórsetińiz degen. Biraq ózderi arasha túspegen, onyń qashyp ketýine jol bergen. Kúıeýi sińlimdi aǵasynyń úıine alyp barǵan, sol úıdiń kórshileri kelinshektiń basynan temirmen uryp jatqanyn kórgen. Aqyry óltirip tynǵan soń olar máıitten qutylmaqshy bolǵan. Biraq qyzdyń anasy sol úıge bara jatyrmyn degen soń, olar úlgermeı qalǵan. Biraq joldasy qashyp ketken», - dep túsindirdi marqumnyń ápkesi.
Búgin Qyzylorda qalasynyń polıııa departamenti kúdiktiniń qolǵan túskenin habarlady.
«Qyzylorda turǵyny 3 tamyzda túnde mas kúıinde áıelin uryp-soqqan. 27 jastaǵy azamat aýyr dene jaraqatynan kóz jumdy. Oqıǵa ornynan qashyp ketken 29 jastaǵy qala turǵynyn ustaý maqsatynda jedel-tergeý toby quryldy. Shuǵyl jedel-izdestirý is-sharalaryn júrgizý barysynda ol jasyrynyp júrgen dosynyń úıinde ustaldy», - delingen Qyzylorda qalasynyń polıııa departamenti taratqan habarlamada.
”Adyrna” ulttyq portaly
