يسپانيا پرەمەر-ءمينيسترى پەدرو سانچەستىڭ جۇبايى بەگونيا گومەسكە ءتورت بىردەي قىلمىس بويىنشا ايىپ تاعىلدى، دەپ حابارلايدى "ادىرنا" ۇلتتىق پورتالى شەتەلدىك باق-قا سىلتەپ.
ولاردىڭ قاتارىندا ىقپال ەتۋ ساۋداسى، سىبايلاس جەمقورلىق، مەملەكەتتىك قاراجاتتى يەمدەنۋ جانە ىسىراپ ەتۋ بار.
Euronews مالىمەتىنشە، بەگونيا گومەسكە قاتىستى تەرگەۋ اياقتالعان. سونىمەن قاتار سوت دالەلدەردىڭ جەتكىلىكسىزدىگىنە بايلانىستى قىزمەتتىك وكىلەتتىكتى تەرىس پايدالانۋ بابى بويىنشا ايىپتى الىپ تاستاعان.
ءىس بويىنشا كاسىپكەر حۋان كارلوس باررابەس جانە شەنەۋنىك كريستينا الۆارەس دە جاۋاپقا تارتىلىپ وتىر.
سۋديا تاراپتارعا بەس كۇن ىشىندە سوت تىڭداۋىن باستاۋ تۋرالى ءوتىنىش بەرۋ نەمەسە قورعانىس ۇستانىمىن دايىنداۋ ءۇشىن ۋاقىت بەرگەن. بۇل كەزەڭ ادەتتە نەگىزگى سوت پروتسەسىنىڭ الدىندا وتەدى.
Deutsche Welle دەرەگىنشە، تەرگەۋ نازارىندا گومەستىڭ جەكە جوباسى – كومپلۋتەنسە ۋنيۆەرسيتەتى جانىنداعى «الەۋمەتتىك ترانسفورماتسيانىڭ باسەكەگە قابىلەتتىلىگى» كافەدراسى بولعان. ساراپشىلاردىڭ پىكىرىنشە، بۇل كافەدرانى اشۋدىڭ قاجەتتىلىگى بولماعان جانە ونى قۇرۋ ءۇشىن ۋنيۆەرسيتەت باسشىلىعىنا قىسىم جاسالعان بولۋى مۇمكىن. تەرگەۋ باستالعاننان كەيىن كافەدرا جابىلعان.
