«ادىرنا» ۇلتتىق بىرلەستىگى الماتى قالاسى ىشكى ساياسات باسقارماسى قولداۋىمەن ىسكە اسىپ جاتقان «ازاماتتىق بورىش» جوباسى بارىسىندا بىرلەستىك باسشىسى ارمان اۋباكىر، جوبا جەتەكشىسى دوس سىماعۇل، بىرلەستىك ديرەكتورىنىڭ ورىنباسارى بەيبىت نالىباەۆ تاعى باسقالار ۇيىمداستىرعان بۇل كەزدەسۋگە اۋعان سوعىسىنىڭ بەلگىلى ارداگەرلەرى جۇمات قۇدايبەرگەنۇلى مەن ارعىنبەك ەسىمحانۇلى قاتىستى.
جاس ساربازداردىڭ الدىننا شىعىپ ءسوز سويلەگەن ارداگەرلەر جاس كەزىن ەسكە الا وتىرىپ شەت ەلدە اسكەر قاتارىندا تۋىستارىن ساعىنا ءجۇرىپ وتان الدىنداعى بورىشىن قالاي وتەگەندەرى تۋرالى ايتىپ بەردى. تىڭداۋشىلاردىڭ كوز الدىندا قاندى شايقاستار، ىسقىرعان وقتار مەن قايسارلىقپەن سوعىسقان جاس جاۋىنگەرلەردىڭ ەرلىككە تولى ءومىرى ەلەستەپ جاتتى. شىنايى ايتىلعان اڭگىمەلەر ەشكىمدى دە نەمقۇرايلى قالدىرعان جوق.
ءوز كەزەگىندە جاس ساربازدار قوناقتارعا كوپتەگەن سۇراقتار قويدى. قوناقتاردىڭ بىردە كۇلدىرە، كەيدە ويلاندىرا قايتارعان جاۋاپتارىنا جاستار ريزا بولدى. تاعى دا كەلىپ ەستەلىكتەرىمەن بولىسۋلەرىن وتىندە.
ءوز كەزەگىندە اۋعان سوعىسى ارداگەرلەرى جاس ساربازدارعا جاقسى وقىپ، بارلىق جاعدايعا دايىن بولۋى ءۇشىن تالماي جاتتىعۋ جاساۋلارى ءتيىس ەكەنىن ەسكەرتىپ جاتتى.
جيىن سوڭىندا ساربازدار قادىرلى قوناقتارمەن سۋرەتكە ءتۇسىپ، جىلى قوشتاستى.
