«Adyrna» ulttyq birlestigi Almaty qalasy Ishki saıasat basqarmasy qoldaýymen iske asyp jatqan «Azamattyq borysh» jobasy barysynda birlestik basshysy Arman Áýbákir, joba jetekshisi Dos Symaǵul, birlestik dırektorynyń orynbasary Beıbit Nálibaev taǵy basqalar uıymdastyrǵan bul kezdesýge Aýǵan soǵysynyń belgili ardagerleri Jumat Qudaıbergenuly men Arǵynbek Esimhanuly qatysty.
Jas sarbazdardyń aldynna shyǵyp sóz sóılegen ardagerler jas kezin eske ala otyryp shet elde ásker qatarynda týystaryn saǵyna júrip Otan aldyndaǵy boryshyn qalaı ótegenderi týraly aıtyp berdi. Tyńdaýshylardyń kóz aldynda qandy shaıqastar, ysqyrǵan oqtar men qaısarlyqpen soǵysqan jas jaýyngerlerdiń erlikke toly ómiri elestep jatty. Shynaıy aıtylǵan áńgimeler eshkimdi de nemquraıly qaldyrǵan joq.
Óz kezeginde jas sarbazdar qonaqtarǵa kóptegen suraqtar qoıdy. Qonaqtardyń birde kúldire, keıde oılandyra qaıtarǵan jaýaptaryna jastar rıza boldy. Taǵy da kelip estelikterimen bólisýlerin ótinde.
Óz kezeginde Aýǵan soǵysy ardagerleri jas sarbazdarǵa jaqsy oqyp, barlyq jaǵdaıǵa daıyn bolýy úshin talmaı jattyǵý jasaýlary tıis ekenin eskertip jatty.
Jıyn sońynda sarbazdar qadirli qonaqtarmen sýretke túsip, jyly qoshtasty.
