توتەنشە جاعدايلار ءمينيسترى يۋري يلين قوستاناي وبلىسى اۋليەكول اۋدانىنداعى تابيعي ءورتتىڭ اۋىزدىقتالعانىن مالىمدەدى، دەپ حابارلايدى «ادىرنا» ءتىلشىسى.
ايتۋىنشا، اۋماعى 43 مىڭ گەكتاردى قۇرادى. جالىنداپ جانىپ جاتقان ۋچاسكەلەر جوق، قالدىق وت وشاقتارىن ءسوندىرۋ جۇمىستارى جۇرگىزىلۋدە.
«جانۋدىڭ سالدارىن جويۋ جۇمىستارىنا جۇمىلدىرىلعان كۇشتەر مەن قۇرالدار ازايتىلدى. كومەك كورسەتۋ ءۇشىن اقمولا وبلىسىنىڭ كۇشتەرى مەن قۇرالدارى، ۆوستوك رمك جەكە قۇرامىنىڭ ينجەنەرلىك تەحنيكاسى جەردى جىرتۋ جۇمىستارىمەن اينالىساتىن بولادى. سونىمەن قاتار تجم پولكىنىڭ جەكە قۇرامى كومانديرلەرمەن بىرگە جانە قوستاناي وبلىسىنىڭ بولىمشەلەرى جۇمىس ورنىنا ورالۋ تۋرالى شەشىم قابىلدانعانعا دەيىن وقيعا ورنىندا قالادى. قالعان بولىمشەلەر كەشكە دەيىن جۇمىستارىن جۇرگىزىپ، تۇراقتى جۇمىس ورىندارىنا ورالادى»،—دەدى ول.
