Tótenshe jaǵdaılar mınıstri Iýrıı Ilın Qostanaı oblysy Áýlıekól aýdanyndaǵy tabıǵı órttiń aýyzdyqtalǵanyn málimdedi, dep habarlaıdy «Adyrna» tilshisi.
Aıtýynsha, aýmaǵy 43 myń gektardy qurady. Jalyndap janyp jatqan ýchaskeler joq, qaldyq ot oshaqtaryn sóndirý jumystary júrgizilýde.
«Janýdyń saldaryn joıý jumystaryna jumyldyrylǵan kúshter men quraldar azaıtyldy. Kómek kórsetý úshin Aqmola oblysynyń kúshteri men quraldary, Vostok RMK jeke quramynyń ınjenerlik tehnıkasy jerdi jyrtý jumystarymen aınalysatyn bolady. Sonymen qatar TJM polkiniń jeke quramy komandırlermen birge jáne Qostanaı oblysynyń bólimsheleri jumys ornyna oralý týraly sheshim qabyldanǵanǵa deıin oqıǵa ornynda qalady. Qalǵan bólimsheler keshke deıin jumystaryn júrgizip, turaqty jumys oryndaryna oralady»,—dedi ol.
