الماتى قالاسى ىشكى ساياسات باسقارماسىنىڭ قولداۋىمەن قولعا الىنعان «ازاماتتىق بورىش» جوباسى اياسىندا 15 تامىز كۇنى «باتىر» گۆاردياسىندا اۋعان سوعىسى ارداگەرلەرىمەن كەزدەسۋ ءوتتى. شاراعا ارداگەرلەردەن سەرىكباي كەڭەسبايۇلى، ءومىرباي ساعىندىقوۆ، بايداۋلەت قۇرمانقوجاۇلى، ءادىل بەكتاسۇلى قاتىستى. كەزدەسۋ بارىسىندا «ەلباسىمىز نۇرسۇلتان ءابىشۇلى نازارباەۆ «سىزدەر مەن بىزدەر تەك بولاشاق بۋىندى عانا ەمەس، جالپى ازاماتتىق قادىر-قاسيەتتەردىڭ ءمان-ماڭىزىن تۇسىنەتىن جانى دا، ءتانى دە تازا، ءبىلىمدى پاتريوت ازاماتتار بۋىنىن تاربيەلەۋگە مىندەتتىمىز» دەگەن ەدى. ال سىزدەر، بۇگىنگى شاراعا قاتىسۋشى اۋعان سوعىسىنىڭ ارداگەرلەرى، بۇل پاتريوتتىق بورىشتارىڭىزدى سول كەزدە اق وتەدىڭىزدەر. « ءداۋىر قاتەلىگى» دەگەن سوزدە اقيقات جوق. ويتكەنى سىزدەر قازاق دەگەن حالىقتىڭ قاشانناندا باتىلدىق پەن باتىرلىقتىڭ يەسى ەكەنىن، قاجاەت بولسا – وتان ءۇشىن وتتان دا قورىقپايتىنىن دالەلدەدىڭىزدەر. بۇل – تاريح، ال تاريحتى ەشكىم وزگەرتە المايدى. سىزدەردى وز اتىمنان، اۋداندىق ماسليحاتتىڭ دەپۋتاتتارى اتىنان وسى مەرەكەمەن قۇتتىقتاپ، دەندەرىڭىزگە ساۋلىق، وتباسىلارىڭىزعا بەرەكە تىلەيمىن» - دەدى، كەش جۇرگىزۋشىسى بەردالى وسپان اعامىز.
شارا اياسىندا ءسوز العان سەرىكباي كەڭەسبايۇلى: «شىنىمدى ايتسام ءبىز ول كەزدە ەرلىك جاسادىق دەپ ويلاعان جوقپىز. 18 جاستاعى، مۇرتى تەبىندەپ ۇلگەرمەگەن بوزبالالار قىرعىن سوعىستىڭ ورتاسىنا تۇسكەندە نە بولعانىن ۇقپاي دا قالدىق. جۇرەگىمىزدە تەك «وتان ءۇشىن!» دەگەن پاتريوتتىق سەزىم بولدى. «40 جىل قىرعىن بولسا دا، اجالدى ولەدى» دەگەندەي، امان-ەسەن تۋعان جەرىمىزگە ورالدىق ەڭبەككە ارالاستىق. باقىت دەگەن وسى. بىراق سول كەزدىڭ جاڭعىرىعى بىزگە ءالى دە ەستىلىپ تۇرادى دەسەك وتىرىك ەمەس. مايدانداس دوستارىمىزدىڭ بەينەسى كوز الدىمىزدا. سوعىستان ورالىپ كەلگەننەن كەيىن جاراقات سالدارىنان ومىردەن ەرتە وزعان ارداگەرلەردىڭ ەسىمىن ءبىز دە، وسكەلەڭ ۇرپاق تا ۇمىتپايدى.»
«ەشكىم دە، ەشنارسە دە ۇمىتىلمايدى» دەگەن ءسوزدىڭ ءوز ءمانىن ەشۋاقىتتا جوعالتپايتىنىنا بۇگىن كوزىمىز تاعى ءبىر جەتكەندەي بولدى. اۋعان سوعىسى ارداگەرلەرىن ەسكە الۋ، ەرلىكتەرىن پاش ەتۋ-ءبىزدىڭ قاسيەتتەرى پارىزىمىز. بۇل دوڭگەلەك ۇستەلدە وتكەزۋدەگى ءبىزدىڭ ەڭ باستى ماقساتىمىز ەرلىكتەرىمىزدى ۇلىقتاۋ. ويتكەنى، وتكەنسىز – بۇگىن جوق. ەرتەڭىمىز بۇگىنگى كۇننەن دە جارقىن بولسىن! وتكەن ەسكە الۋ ارقىلى عانا، بولاشاققا نىق قادام باسامىز.
"ادىرنا" ۇلتتىق پورتالى
