Almaty qalasy Ishki saıasat basqarmasynyń qoldaýymen qolǵa alynǵan «Azamattyq borysh» jobasy aıasynda 15 tamyz kúni «Batyr» gvardııasynda Aýǵan soǵysy ardagerlerimen kezdesý ótti. Sharaǵa ardagerlerden Serikbaı Keńesbaıuly, Ómirbaı Saǵyndyqov, Baıdáýlet Qurmanqojauly, Ádil Bektasuly qatysty. Kezdesý barysynda «Elbasymyz Nursultan Ábishuly Nazarbaev «Sizder men bizder tek bolashaq býyndy ǵana emes, jalpy azamattyq qadir-qasıetterdiń mán-mańyzyn túsinetin jany da, táni de taza, bilimdi patrıot azamattar býynyn tárbıeleýge mindettimiz» degen edi. Al sizder, búgingi sharaǵa qatysýshy Aýǵan soǵysynyń ardagerleri, bul patrıottyq boryshtaryńyzdy sol kezde aq ótedińizder. « Dáýir qateligi» degen sózde aqıqat joq. Óıtkeni sizder qazaq degen halyqtyń qashannanda batyldyq pen batyrlyqtyń ıesi ekenin, qajaet bolsa – Otan úshin ottan da qoryqpaıtynyn dáleldedińizder. Bul – tarıh, al tarıhty eshkim ózgerte almaıdy. Sizderdi óz atymnan, aýdandyq maslıhattyń depýtattary atynan osy merekemen quttyqtap, denderińizge saýlyq, otbasylaryńyzǵa bereke tileımin» - dedi, kesh júrgizýshisi Berdaly Ospan aǵamyz.
Shara aıasynda sóz alǵan Serikbaı Keńesbaıuly: «Shynymdy aıtsam biz ol kezde erlik jasadyq dep oılaǵan joqpyz. 18 jastaǵy, murty tebindep úlgermegen bozbalalar qyrǵyn soǵystyń ortasyna túskende ne bolǵanyn uqpaı da qaldyq. Júregimizde tek «Otan úshin!» degen patrıottyq sezim boldy. «40 jyl qyrǵyn bolsa da, ajaldy óledi» degendeı, aman-esen týǵan jerimizge oraldyq eńbekke aralastyq. Baqyt degen osy. Biraq sol kezdiń jańǵyryǵy bizge áli de estilip turady desek ótirik emes. Maıdandas dostarymyzdyń beınesi kóz aldymyzda. Soǵystan oralyp kelgennen keıin jaraqat saldarynan ómirden erte ozǵan ardagerlerdiń esimin biz de, óskeleń urpaq ta umytpaıdy.»
«Eshkim de, eshnárse de umytylmaıdy» degen sózdiń óz mánin eshýaqytta joǵaltpaıtynyna búgin kózimiz taǵy bir jetkendeı boldy. Aýǵan soǵysy ardagerlerin eske alý, erlikterin pash etý-bizdiń qasıetteri paryzymyz. Bul dóńgelek ústelde ótkezýdegi bizdiń eń basty maqsatymyz erlikterimizdi ulyqtaý. Óıtkeni, ótkensiz – búgin joq. Erteńimiz búgingi kúnnen de jarqyn bolsyn! Ótken eske alý arqyly ǵana, bolashaqqa nyq qadam basamyz.
"Adyrna" ulttyq portaly