Halyk Bank قوستاناي وبلىسىندا ورتەنىپ كەتكەن ۇيلەردىڭ تۇرعىندارىنا ءار وتباسىنا 1 ملن تەڭگە كولەمىندە اقشالاي كومەك جىبەرەدى، دەپ جازادى "ادىرنا" ۇلتتىق پورتالى.
ۇيىنەن ايرىلعان ادامدار كۇش جيناپ، العان قاراجاتىن ەڭ قاجەتتىسىنە – تۇرعىن ءۇيدى جالعا الۋعا، كيىم-كەشەك، تاماق جانە قاجەتتى تاۋارلار ساتىپ الۋعا جۇمساۋعا مۇمكىندىك الادى.
سونىمەن قاتار، بانك باسشىلىعى جانىپ كەتكەن ۇيلەردىڭ بارلىق يەلەرىنە Halyk Bank-تەگى قولدانىستاعى كرەديتتەرىن جابۋ تۋرالى شەشىم قابىلدادى.
"بانك باسشىلىعى مەن ۇجىمى وزەرنوە، لەسنوە، امانقاراعاي اۋىلدارىنىڭ بارلىق ءورت سالدارىنان زارداپ شەككەن تۇرعىندارىنا شىنايى جاناشىرلىق بىلدىرەدى جانە ولاردىڭ ومىرلەرى جاقىن ارادا ۇيرەنشىكتى ارناعا ورالادى دەگەن ءۇمىتىن بىلدىرەدى", - دەلىنگەن حابارلامادا.
"ادىرنا" ۇلتتىق پورتالى
