رەسەيدىڭ ريازان وبلىسىندا تامىزدىڭ باسىندا تۇتانعان ءتىلسىز جاۋ تولىقتاي سوندىرىلگەن جوق، دەپ جازادى "ادىرنا" ۇلتتىق پورتالى.
Qazaqstan.tv حابارلاۋىنشا، بۇعان سەكۋندىنا 15-17 مەتر جىلدامدىقپەن سوققان جەل كەدەرگى كەلتىرىپ جاتىر. ال اقش-تىڭ كاليفورنيا شتاتىندا 2 مىڭ گەكتاردان استام اۋماق كۇلگە اينالدى. ءورت ءسوندىرۋ كەزىندە بىرنەشە ادام زارداپ شەككەن.
رەسەيدىڭ ريازان وبلىسىندا الاپات ورمان ءورتى تامىزدىڭ باسىنان بەرى لاپىلداپ جاتىر. اسىرەسە كۋلتۋكي اۋىلى ماڭىندا جاعداي كۇردەلى. ءتىلسىز جاۋدى باقىلاۋعا الۋعا سەكۋندىنا 15-17 مەتر جىلدامدىقپەن سوققان جەل كەدەرگى كەلتىرىپ جاتىر. بۇعان دەيىن جالىن كراسنويارسك، روستوۆ وبلىستارىندا دا تىركەلگەن ەدى. كراسنويارسكىدە 12 اۋىلدىڭ تۇرعىندارى باسپاناسىز قالسا، روستوۆتا 100 ءۇي جانىپ كەتكەن. ءتىلسىز جاۋمەن كۇرەسۋگە 100-دەن استام تەحنيكا مەن 300-دەي ادام جۇمىلدىرىلدى. ءتۇتىن ءتىپتى ماسكەۋگە دەيىن جەتتى.
يسپانيادا دا وسىعان ۇقساس احۋال. جاز بويى الاپات ورمان ورتىنەن كوز اشپاعان ەلدە قاۋىپ ءالى سەيىلمەي وتىر. ءتىلسىز جاۋ ەلدىمەكەندەرگە قاراي ويىسىپ بارادى. ءورت سوندىرۋشىلەر بۇعان جول بەرمەۋ ءۇشىن كۇنى-ءتۇنى كۇرەسىپ جاتىر.
"جاعداي قاۋىپتى. نە ىستەرىمىزدى بىلمەي ابدىراپ قالدىق. ءورت كۇشەيىپ جاتىر. قاۋىپسىز جەرگە كوشۋگە ءماجبۇرمىز. ۇيىمىزگە تەز ورالامىز دەپ ۇمىتتەنەمىن. ال اقش-تىڭ كاليفورنيا شتاتىندا احۋال كۇردەلى. مۇندا ءتىلسىز جاۋ ەلدى مەكەندەرگە جاقىنداپ قالعان. سول سەبەپتى قاۋىپتى ايماقتىڭ تۇرعىندارى تۇگەلدەي دەرلىك كوشىرىلدى. ءورتتى سوندىرۋگە 360 مامان، 15 تىكۇشاق تارتىلعان. الايدا ازىرگە ءورت شارپىعان اۋماقتىڭ تەك 12 پايىزى باقىلاۋعا الىندى. «رەيتەردىڭ» دەرەگىنە ساي، جالىنمەن كۇرەس كەزىندە 8 ءورت ءسوندىرۋشى زارداپ شەككەن. عالىمداردىڭ ايتۋىنشا، ءورتتىڭ سوڭعى كەزدەرى جيىلەپ كەتۋىنە عالامدىق جىلىنۋ قۇبىلىسى سەبەپ", - دەيدى جەرگىلىكتى تۇرعىن.
"ادىرنا" ۇلتتىق پورتالى
