Reseıdiń Rıazan oblysynda tamyzdyń basynda tutanǵan tilsiz jaý tolyqtaı sóndirilgen joq, dep jazady "Adyrna" ulttyq portaly.
Qazaqstan.tv habarlaýynsha, buǵan sekýndyna 15-17 metr jyldamdyqpen soqqan jel kedergi keltirip jatyr. Al AQSh-tyń Kalıfornııa shtatynda 2 myń gektardan astam aýmaq kúlge aınaldy. Órt sóndirý kezinde birneshe adam zardap shekken.
Reseıdiń Rıazan oblysynda alapat orman órti tamyzdyń basynan beri lapyldap jatyr. Ásirese Kýltýkı aýyly mańynda jaǵdaı kúrdeli. Tilsiz jaýdy baqylaýǵa alýǵa sekýndyna 15-17 metr jyldamdyqpen soqqan jel kedergi keltirip jatyr. Buǵan deıin jalyn Krasnoıarsk, Rostov oblystarynda da tirkelgen edi. Krasnoıarskide 12 aýyldyń turǵyndary baspanasyz qalsa, Rostovta 100 úı janyp ketken. Tilsiz jaýmen kúresýge 100-den astam tehnıka men 300-deı adam jumyldyryldy. Tútin tipti Máskeýge deıin jetti.
Ispanııada da osyǵan uqsas ahýal. Jaz boıy alapat orman órtinen kóz ashpaǵan elde qaýip áli seıilmeı otyr. Tilsiz jaý eldimekenderge qaraı oıysyp barady. Órt sóndirýshiler buǵan jol bermeý úshin kúni-túni kúresip jatyr.
"Jaǵdaı qaýipti. Ne isterimizdi bilmeı abdyrap qaldyq. Órt kúsheıip jatyr. Qaýipsiz jerge kóshýge májbúrmiz. Úıimizge tez oralamyz dep úmittenemin. Al AQSh-tyń Kalıfornııa shtatynda ahýal kúrdeli. Munda tilsiz jaý eldi mekenderge jaqyndap qalǵan. Sol sebepti qaýipti aımaqtyń turǵyndary túgeldeı derlik kóshirildi. Órtti sóndirýge 360 maman, 15 tikushaq tartylǵan. Alaıda ázirge órt sharpyǵan aýmaqtyń tek 12 paıyzy baqylaýǵa alyndy. «Reıterdiń» deregine saı, jalynmen kúres kezinde 8 órt sóndirýshi zardap shekken. Ǵalymdardyń aıtýynsha, órttiń sońǵy kezderi jıilep ketýine ǵalamdyq jylyný qubylysy sebep", - deıdi jergilikti turǵyn.
"Adyrna" ulttyq portaly
