نازارباەۆ كەزىندە كەرى كەتكەن ءبىراز دۇنيەنى تۇزەتىپ، وزگەرتۋمەن 2022 جىلدى اياقتايىق دەپ تۇرمىز.
ەگەر وسى ىسكە شىنداپ كىرىسسەك ايانىپ قالمايىق. وبلىس ورتالىقتارىنداعى نازارباەۆتىڭ اتىمەن اتالاتىن كوشەلەردى «ازاتتىق»، «تاۋەلسىزدىك» دەپ وزگەرتەيىك (الماتىداعى نازارباەۆ كوشەسىن فۋرمانوۆ دەپ ەسكى اتىن قايتارا الامايمىز عوي). بۇرىنعى اتاۋى قازاقى بولسا ونى قايتارايىق!
كەڭەس وكىمەتىنىڭ شەكپەنىن شىقانىمىزعا 30 جىل بولسا دا دەكومانيزاتسيا جۇرگىزە المادىق. بۇل ءىستى باستاساق، پۋتين ورنىنان ورە تۇرەگەلە مە دەپ قورىقتىق.
ال نازارباەۆتىڭ اتىنان ارىلۋدى باستاپ كەتسەك، ەشكىم قولىمىزدان قاقپاسى انىق. ءبارىن وسى جىلى بىتىرەيىك. كەلەسى جىلعا قالدىرمايىق.
اي سايىن نازارباەۆتىڭ اتىمەن اتالاتىن كوشەلەردىڭ اتىن قايتارىپ، باسقا اتاۋ بەرىپ ءىستى ساعىزشا سوزاتىن بولساق، دەنازاراباەۆزاتسيا 10 جىلعا سوزىلۋى مۇمكىن. ال ءبىزدىڭ بۇلاي ويىن ويناپ جۇرەتىن ۋاقىتىمىز جوق.
ەلوردانىڭ اتىن كۇزدە قايتارىپ، اۋەجايدىڭ اتىن قىستا وزگەرتىپ، حالىق الدىندا ساياسي ۇپاي جيناۋ ەندى بولماسىن! ءبارىن جىل اياعىنا دەيىن اياقتايىق.
نازارباەۆتىڭ انۇرانعا جاساعان كوررەكتيروۆكاسىن دا الىپ تاستايىق (جۇمەكەن ناجىمەدەنوۆتىڭ ارۋاعى ءبىر ريزا بولىپ قالارى انىق).
الماتىداعى ورتالىق الاڭداعى جانە بايتەرەكتىڭ ۇشار باسىنداعى اتامىزدىڭ بىتتيعان قولىن دا كۇرەسىنگە تاستايىق. ەلورداداعى ورتالىق مۇراجايدا تۇرعان ءمۇسىندى دە جەرتولەگە تۇسىرەيىك.
نازارباەۆتىڭ ءىسى مەن ءوزىن كۋلت جاساۋ وسىمەن ءتامام بولسىن! وسىعان كەلىسەسىزدەر مە؟
سودان كەيىن اق پاراقتى اشىپ، الاڭسىز جاڭا قازاقستاننىڭ تاريحىن باستاۋعا بولادى.
نۇرلان اۋباكىر
Dalanews.kz پورتالىنان
