Nazarbaev kezınde kerı ketken bıraz dünienı tüzetıp, özgertumen 2022 jyldy aiaqtaiyq dep tūrmyz.
Eger osy ıske şyndap kırıssek aianyp qalmaiyq. Oblys ortalyqtaryndaǧy Nazarbaevtyŋ atymen atalatyn köşelerdı «Azattyq», «Täuelsızdık» dep özgerteiık (Almatydaǧy Nazarbaev köşesın Furmanov dep eskı atyn qaitara alamaimyz ǧoi). Būrynǧy atauy qazaqy bolsa ony qaitaraiyq!
Keŋes ökımetınıŋ şekpenın şyqanymyzǧa 30 jyl bolsa da dekomanizasiia jürgıze almadyq. Būl ıstı bastasaq, Putin ornynan öre türegele me dep qoryqtyq.
Ai saiyn Nazarbaevtyŋ atymen atalatyn köşelerdıŋ atyn qaitaryp, basqa atau berıp ıstı saǧyzşa sozatyn bolsaq, denazarabaevzasiia 10 jylǧa sozyluy mümkın. Al bızdıŋ būlai oiyn oinap jüretın uaqytymyz joq.
Elordanyŋ atyn küzde qaitaryp, äuejaidyŋ atyn qysta özgertıp, halyq aldynda saiasi ūpai jinau endı bolmasyn! Bärın jyl aiaǧyna deiın aiaqtaiyq.
Nazarbaevtyŋ Änūranǧa jasaǧan korrektirovkasyn da alyp tastaiyq (Jūmeken Näjımedenovtyŋ äruaǧy bır riza bolyp qalary anyq).
Nazarbaevtyŋ ısı men özın kult jasau osymen tämam bolsyn! Osyǧan kelısesızder me?
Sodan keiın aq paraqty aşyp, alaŋsyz Jaŋa Qazaqstannyŋ tarihyn bastauǧa bolady.
Al Nazarbaevtyŋ atynan aryludy bastap ketsek, eşkım qolymyzdan qaqpasy anyq. Bärın osy jyly bıtıreiık. Kelesı jylǧa qaldyrmaiyq.
Almatydaǧy Ortalyq alaŋdaǧy jäne Bäiterektıŋ ūşar basyndaǧy atamyzdyŋ byttiǧan qolyn da küresınge tastaiyq. Elordadaǧy Ortalyq mūrajaida tūrǧan müsındı de jertölege tüsıreiık.
Nūrlan ÄUBÄKIR
Dalanews.kz portalynan
