Nazarbaev kezinde keri ketken biraz dúnıeni túzetip, ózgertýmen 2022 jyldy aıaqtaıyq dep turmyz.
Eger osy iske shyndap kirissek aıanyp qalmaıyq. Oblys ortalyqtaryndaǵy Nazarbaevtyń atymen atalatyn kóshelerdi «Azattyq», «Táýelsizdik» dep ózgerteıik (Almatydaǵy Nazarbaev kóshesin Fýrmanov dep eski atyn qaıtara alamaımyz ǵoı). Burynǵy ataýy qazaqy bolsa ony qaıtaraıyq!
Keńes ókimetiniń shekpenin shyqanymyzǵa 30 jyl bolsa da dekomanızaııa júrgize almadyq. Bul isti bastasaq, Pýtın ornynan óre túregele me dep qoryqtyq.
Al Nazarbaevtyń atynan arylýdy bastap ketsek, eshkim qolymyzdan qaqpasy anyq. Bárin osy jyly bitireıik. Kelesi jylǵa qaldyrmaıyq.
Aı saıyn Nazarbaevtyń atymen atalatyn kóshelerdiń atyn qaıtaryp, basqa ataý berip isti saǵyzsha sozatyn bolsaq, denazarabaevzaııa 10 jylǵa sozylýy múmkin. Al bizdiń bulaı oıyn oınap júretin ýaqytymyz joq.
Elordanyń atyn kúzde qaıtaryp, áýejaıdyń atyn qysta ózgertip, halyq aldynda saıası upaı jınaý endi bolmasyn! Bárin jyl aıaǵyna deıin aıaqtaıyq.
Nazarbaevtyń Ánuranǵa jasaǵan korrektırovkasyn da alyp tastaıyq (Jumeken Nájimedenovtyń árýaǵy bir rıza bolyp qalary anyq).
Almatydaǵy Ortalyq alańdaǵy jáne Báıterektiń ushar basyndaǵy atamyzdyń byttıǵan qolyn da kúresinge tastaıyq. Elordadaǵy Ortalyq murajaıda turǵan músindi de jertólege túsireıik.
Nazarbaevtyń isi men ózin kýlt jasaý osymen támam bolsyn! Osyǵan kelisesizder me?
Sodan keıin aq paraqty ashyp, alańsyz Jańa Qazaqstannyń tarıhyn bastaýǵa bolady.
Nurlan ÁÝBÁKIR
Dalanews.kz portalynan
