الماتىداعى گوركي ساياباعىندا ەكى كولىك ورتەنىپ كەتتى، - دەپ حابارلايدى "ادىرنا" ءتىلشىسى الماتى قالالىق توتەنشە جاعدايلار دەپارتامەنتىنىڭ ءباسپاسوز قىزمەتىنە سىلتەمە جاساپ.
توتەنشە جاعدايلار دەپارتامەنتىنىڭ مالىمەتىنشە، 3 قىركۇيەك كۇنى ساعات 14.37-دە مەدەۋ اۋدانى، گوگول كوشەسى، 1ب ءۇي ماڭىنداعى ءورت تۋرالى حابار تۇسكەن. «ساعات 14.44-تە جەتكەن قىزمەتكەرلەر 12 شارشى مەتر اۋماقتا ەكى اۆتوكولىكتىڭ اشىق جالىنمەن جانىپ جاتقانى انىقتادى، ءورتتىڭ جاقىن ماڭداعى اعاشتار مەن باسقا دا كولىكتەرگە تارالۋ قاۋپى بار. ءورت 14.58-دە ءسوندىرىلدى. قۇرباندار مەن زارداپ شەككەندەر جوق. ءورتتىڭ شىعۋ سەبەبى انىقتالۋدا»، - دەپ حابارلادى دەپارتامەنتتە.
اۆتوكولىكتەگى ءورت تەز تارالىپ، 2-3 مينۋت ىشىندە جىلدام جانىپ كەتەدى. وسىعان وراي، الماتى قالاسىنىڭ توتەنشە جاعدايلار دەپارتامەنتى اۆتوكولىكتەردىڭ ەلەكتر جابدىقتارىنا قىزمەت كورسەتەتىن مامانداندىرىلعان تەحنيكالىق قىزمەت كورسەتۋ ستانتسيالارىندا جۇمىس ىستەيتىن ءورت سوندىرگىش قۇرالدارى بولۋىن ۇسىنادى.
