ۋكراينانىڭ حاركوۆ وبلىسىندا درون شابۋىلىنان التى ادام قازا تاپتى، دەپ حابارلايدى “ادىرنا” ءتىلشىسى DW-عا سىلتەپ.
قازا بولعانداردىڭ اراسىندا ءبىر جاستاعى جانە 11 جاستاعى بالالار بار. تاعى 15 ادام جاراقات الدى، ولاردىڭ جەتەۋى – بالالار.
وقيعا 19 قازاندا بولعان. رەسەيدىڭ Shahed ۇلگىسىندەگى درونى ادامدار دەمالىپ جۇرگەن ساياباققا سوققى جاساعان. حاركوۆ وبلىستىق اسكەري اكىمشىلىگىنىڭ باسشىسى ولەگ سينەگۋبوۆ قازا تاپقاندار مەن زارداپ شەككەندەر تۋرالى مالىمەت بەردى.
ۋكراينا پرەزيدەنتى ۆلاديمير زەلەنسكي شابۋىلدى ايىپتاپ، قازا تاپقانداردىڭ اراسىندا ءبىر جاسار انگەلينا ەسىمدى قىز بولعانىن حابارلادى. ونىڭ اناسى يننا اۋرۋحانادا كوز جۇمعان.
سونداي-اق زەلەنسكي ۋكرايناعا اۋە شابۋىلىنا قارسى قورعانىس جۇيەلەرىن جەتكىزۋدى كۇشەيتۋگە شاقىردى. ول اقش پەن ەۋروپا ەلدەرىن ۋكرايناعا قولداۋدى جالعاستىرىپ، رەسەيگە قارسى سانكتسيالىق قىسىمدى ارتتىرۋعا ۇندەدى.
ۋكراينا پرەزيدەنتىنىڭ ايتۋىنشا، ەل بەيبىتشىلىكتى قالايدى، الايدا رەسەي سوعىس قيمىلدارىن جالعاستىرىپ وتىر.
