23 قازان كۇنى «ادىرنا» ۇلتتىق پورتالىندا «اۋىل ساياباعىن اباتتاندىرۋعا 240 ميلليون تەڭگەدەن استام قارجى ءبولىندى» دەگەن سىني ماقالا جاريالاندى. سول ماتەريالعا قاتىستى «شىعىس قازاقستان وبلىسىنىڭ قۇرىلىس, ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسى» مەملەكەتتىك مەكەمەسى جاۋاپ بەردى، دەپ حابارلايدى «ادىرنا» ۇلتتىق پورتالى.
ءبىز بۇعان دەيىن جاڭا بۇقتىرما اۋىلى ءۇلبى جوتاسىنىڭ ەتەگىندە، ەرتىس وزەنىنىڭ جاعاسىندا ورنالاسقان، تابيعاتى كەرەمەت مەكەن ەكەنىن، جەرگىلىكتى بيلىك رەسمي كەنت سانالعانىمەن حالقى تىم از شاعىن اۋىلدىڭ پاركىن كوركەيتۋگە 240 ميلليون تەڭگەدەن استام قارجى بولىپوتىرعانىن، ول پاركتىڭ اتاۋى تىكەلەي ۇلى وتان سوعىسىنا بايلانىستىرىلعانىن جازعانبىز. كوكەيىمىزدە «شىعىس قازاقستان وبلىسىنىڭ شەندىلەرى ءدال رەسەي بيلىگى سەكىلدى مەملەكەتتىڭ بار يدەولوگياسىن ەكىنشى دۇنيەجۇزىلىك سوعىستاعى جەڭىسكە بايلاپ، حالىقتى رۋحتاندىرماق پا؟» دەگەن جالعىز ساۋال بۇلكىلدەپ تۇردى.
بۇل سۇراقتى شىعىس قازاقستان وبلىسىنىڭ مەملەكەتتىك ساتىپ الۋ باسقارماسىنا جولداپ ەدىك، وعان «شىعىس قازاقستان وبلىسىنىڭ قۇرىلىس، ەنەرگەتيكا جانە تۇرعىنۇي-كوممۋنالدىق شارۋاشىلىق باسقارماسى» جاۋاپ بەردى.
«ءسىزدىڭ 2023 جىلعى 24 قازانداعى №زت-2023-02156399سۇراۋىڭىزعا كەلەسىنى حابارلايمىز.
اعىمداعى جىلدىڭ ماۋسىم ايىندا باسقارما مەن «AST Qurylys 22» جشس اراسىندا «جاڭا بۇقتىرما كەنتىندەگى ۇلى وتان سوعىسىنداعى جەڭىستىڭ 75 جىلدىعىنا ارنالعان ەسكەرتكىشتىڭ اۋماعىن اباتتاندىرۋ» نىسانىن قايتا قۇرۋ بويىنشا شارت جاسالدى. ۇلى وتان سوعىسىنداعى جەڭىستىڭ 75 جىلدىعى ەسكەرتكىشىنىڭ دەمالىس ايماعى رەتىندە قايتا جاڭارتىلاتىن ۋچاسكەسى كەنتتىڭ ورتالىق بولىگىندە ەكى جاعىنان كەنتتىڭ ورتالىق كوشەسى - اباي كوشەسىنىڭ بويىندا ورنالاسقان جانە 5 فۋنكتسيونالدىق ايماقتىڭ قۇرىلىمىن كوزدەيدى:
- «اربات ايماعى جانە تىنىش دەمالىس ايماعى» سەرۋەندەۋ اللەيالارىن ورنالاستىرا وتىرىپ، جاڭا ساياباق ايماعىن قۇرۋدى، اۋماقتى كوگالداندىرۋدى، جەكە دايىنداۋدىڭ شاعىن ساۋلەتتىك نىساندارىن ورناتۋدى كوزدەيدى. ارباتتىڭايرىقشا ەلەمەنتى «قۇرعاق سۋبۇرقاق» بولادى;
- «ساياباق ايماعى» ىرگەلەس اۋماقتى اباتتاندىرۋمەن، قولدانىستاعى ەسكەرتكىشتى قايتا جاڭارتۋدى كوزدەيدى. جوبادا كوپجىلدىق شىرشالاردى جانە قولدانىستاعى جاسىل جەلەكتەردى ساقتاۋ كوزدەلگەن;
- «بەلسەندى دەمالىس ايماعى» جاسوسپىرىمدەر سپورت مەكتەبىنىڭ اۋماعىندا ورنالاسقان. قۇرامىنا 3 سپورت الاڭىن – باسكەتبول الاڭىن، ۇستەل تەننيسىن ويناۋعاارنالعان الاڭدى جانە شاعىن فۋتبول الاڭىن (قىستا مۇزايدىنىن ورناتۋ مۇمكىندىگىمەن), سونداي-اق جاڭا ويىنجابدىقتارىن ورناتا وتىرىپ، ءارتۇرلى جاستاعى توپتارعاارنالعان بالالار ويىن الاڭدارىن ورنالاستىرۋدى قامتيدى. سونىمەن قاتار، وسى اۋماقتا ەرەسەك تۇرعىنداردىڭ سپورتپەنشۇعىلدانۋىنا ارنالعان (ترەناجەرلەر) ايماعىقاراستىرىلعان. سپورتتىق دەمالىستىڭ قوسىمشا ەلەمەنتىرەتىندە روليكتەرمەن، ساموكاتتارمەن جانە ۆەلوسيپەدتەرمەنجۇرۋگە ارنالعان پامپ-ترەگى قاراستىرىلعان;
- «مادەنيەت ءۇيىنىڭ ايماعى» جول جابىندارىن اۋىستىرا وتىرىپ، قولدانىستاعى مادەنيەت ءۇيىنىڭ اينالاسىن قايتا قۇرۋ كوزدەلگەن. اتالعان ايماقتا پايدالانىلمايتىن سۋبۇرقاقتى بولشەكتەپ، ونىڭ ورنىنا ءمۇسىنى بار «جارىق فونتانىن» ورناتۋ قاراستىرىلعان;
- «قوعامدىق تاماقتانۋ ايماعى» قولدانىستاعى پروفيلاكتوريا عيماراتىنىڭ جانىندا سەرۋەندەۋ اللەياسىن ورناتۋدى، اۋماقتى كوگالداندىرۋدى، جەكە ءوندىرىستىڭ شاعىن ارحيتەكتۋرالىق نىساندارىن ورناتۋدى كوزدەيدى. ۇلكەنالاڭدار بولاشاقتا اشىق اۋادا تاماقتانۋعا ارنالعانشاتىرلارى مەن ۇستەلدەرى بار مودۋلدىك فاستفۋدعيماراتتارىن ورناتۋعا مۇمكىندىك بەرەدى. قازاقستانتاريحىن باياندايتىن ايرىقشا ەلەمەنت «كازارتكۋب» ءمۇسىنىبولادى.
جوبامەن كەنتتىڭ ورتالىق بولىگىن اباتتاندىرۋ كوزدەلگەن، ونىڭ ىشىنە ۇلى وتان سوعىسىنداعى جەڭىستىڭ 75 جىلدىعىنا ارنالعان ەسكەرتكىشتىڭ اۋماعى دا ەنگىزىلگەن. وسىعان وراي جوبانىڭ اتاۋى «جاڭا بۇقتىرما كەنتىندەگى ۇلى وتان سوعىسىنداعى جەڭىستىڭ 75 جىلدىعىنا ارنالعان ەسكەرتكىشتىڭ اۋماعىن اباتتاندىرۋ» بولىپ تاڭدالعان» دەلىنگەن.
جاڭا بۇقتىرما كەنتىندەگى (اۋىل دەسە دە بولادى) حالىق سانى 6 مىڭعا جەتپەيدى. سول اۋىلدىڭ يگىلىگى ءۇشىن 240 ميلليون تەڭگەدەن استام قارجى ءبولىپ جاسالعان دەمالىس ايماعىن ەكىنشى دۇنيەجۇزىلىك سوعىسپەن بايلانىستىرۋدىڭ قانشالىق قاجەتتىلىگى بار ەدى؟! بۇل رەسەي بيلىگى سەكىلدى مەملەكەتتىڭ بار يدەولوگياسىن ەكىنشى دۇنيەجۇزىلىك سوعىستاعى جەڭىسكە بايلاپ تاستاۋ ەمەس پە؟
بۇل سۇراقتاردى قايتارا وبلىستىڭ يدەولوگيالىق ماسەلەلەرىنە جاۋاپتى ورگاندارعا جولدايتىن بولامىز!
قانات بىرلىكۇلى
«ادىرنا» ۇلتتىق پورتالى
