Almatydaǵy Gorkıı saıabaǵynda eki kólik órtenip ketti

2821
Adyrna.kz Telegram

Almatydaǵy Gorkıı saıabaǵynda eki kólik órtenip ketti, - dep habarlaıdy "Adyrna" tilshisi Almaty qalalyq Tótenshe jaǵdaılar departamentiniń baspasóz qyzmetine silteme jasap.

Tótenshe jaǵdaılar departamentiniń málimetinshe, 3 qyrkúıek kúni saǵat 14.37-de Medeý aýdany, Gogol kóshesi, 1B úı mańyndaǵy órt týraly habar túsken. «Saǵat 14.44-te jetken qyzmetkerler 12 sharshy metr aýmaqta eki avtokóliktiń ashyq jalynmen janyp jatqany anyqtady, órttiń jaqyn mańdaǵy aǵashtar men basqa da kólikterge taralý qaýpi bar. Órt 14.58-de sóndirildi. Qurbandar men zardap shekkender joq. Órttiń shyǵý sebebi anyqtalýda», - dep habarlady departamentte.

Avtokóliktegi órt tez taralyp, 2-3 mınýt ishinde jyldam janyp ketedi. Osyǵan oraı, Almaty qalasynyń Tótenshe jaǵdaılar departamenti avtokólikterdiń elektr jabdyqtaryna qyzmet kórsetetin mamandandyrylǵan tehnıkalyq qyzmet kórsetý stanııalarynda jumys isteıtin órt sóndirgish quraldary bolýyn usynady.

Pikirler