«بايتەرەك» ۇلتتىق باسقارۋشى حولدينگى مەن سبەربانك توبى سبەردىڭ قازاقستانداعى ەنشىلەس بانكى («سبەربانك» اق ەب) اكتسيالارىنىڭ بارلىق پاكەتىن ساتىپ الۋ-ساتۋ تۋرالى كەلىسىم جاساستى. بۇل تۋرالى «بايتەرەك» اق مالىمدەدى، دەپ حابارلايدى “ادىرنا” ۇلتتىق پورتالى.
«بايتەرەك» حولدينگى ەلدىڭ قارجى جۇيەسى ءۇشىن بانكتىڭ ماڭىزى جوعارى دەپ ەسەپتەيدى. سبەربانك قازاقستاننىڭ زاماناۋي ينفراقۇرىلىمى مەن تەحنولوگيالارى ەل ەكونوميكاسىنىڭ ناقتى سەكتورىن قارجىلاندىرۋدى جالعاستىرۋعا جانە قىزمەتتى تولىققاندى جۇرگىزۋگە مۇمكىندىك بەرەدى”، – دەلىنگەن حابارلامادا.
بانك ءوز كليەنتتەرى الدىنداعى بارلىق مىندەتتەمەسىن ورىنداۋدى جالعاستىرادى. بۇرىنعى كليەنتتەرى ءۇشىن بانك ونىمدەرى بويىنشا بارلىق شارت وزگەرىسسىز قالادى. سونداي-اق، مامىلە اياسىندا بانك بەلسەندى وپەراتسيالاردى تولىق جاڭارتۋعا، دەپوزيتتەر تارتۋعا جانە تولەمدەر جۇرگىزۋگە، سونداي-اق حالىق پەن بيزنەسكە ارنالعان ونىمدەر مەن قىزمەتتەردى دامىتۋعا مۇمكىندىك الادى. جاقىن ۋاقىتتا «سبەربانك قازاقستانعا» رەبرەندينگ جۇرگىزىلەتىنى ايتىلدى.
«بايتەرەك» حولدينگى بانكتىڭ ۇزدىكسىز جۇمىسىن قامتاماسىز ەتۋگە جانە بانكتىڭ بۇرىنعى، سونداي-اق جاڭا كليەنتتەرىنە ارنالعان بانك قىزمەتتەرىن دامىتۋ جانە جەتىلدىرۋ ءۇشىن قولايلى جاعداي جاساۋعا ۇمتىلادى”، – دەلىنگەن حابارلامادا.
سونىمەن قاتار، مامىلە ءوزارا قولايلى قارجىلىق شارتتارمەن جاسالعانى جانە بارلىق قاجەتتى رەتتەۋشىلىك ماقۇلداۋلاردان وتكەنى ايتىلدى.
”ادىرنا” ۇلتتىق پورتالى
