«Báıterek» ulttyq basqarýshy holdıngi men Sberbank toby Sberdiń Qazaqstandaǵy enshiles banki («Sberbank» AQ EB) akııalarynyń barlyq paketin satyp alý-satý týraly kelisim jasasty. Bul týraly «Báıterek» AQ málimdedi, dep habarlaıdy “Adyrna” ulttyq portaly.
«Báıterek» holdıngi eldiń qarjy júıesi úshin banktiń mańyzy joǵary dep esepteıdi. Sberbank Qazaqstannyń zamanaýı ınfraqurylymy men tehnologııalary el ekonomıkasynyń naqty sektoryn qarjylandyrýdy jalǵastyrýǵa jáne qyzmetti tolyqqandy júrgizýge múmkindik beredi”, – delingen habarlamada.
Bank óz klıentteri aldyndaǵy barlyq mindettemesin oryndaýdy jalǵastyrady. Burynǵy klıentteri úshin bank ónimderi boıynsha barlyq shart ózgerissiz qalady. Sondaı-aq, mámile aıasynda bank belsendi operaııalardy tolyq jańartýǵa, depozıtter tartýǵa jáne tólemder júrgizýge, sondaı-aq halyq pen bızneske arnalǵan ónimder men qyzmetterdi damytýǵa múmkindik alady. Jaqyn ýaqytta «Sberbank Qazaqstanǵa» rebrendıng júrgiziletini aıtyldy.
«Báıterek» holdıngi banktiń úzdiksiz jumysyn qamtamasyz etýge jáne banktiń burynǵy, sondaı-aq jańa klıentterine arnalǵan bank qyzmetterin damytý jáne jetildirý úshin qolaıly jaǵdaı jasaýǵa umtylady”, – delingen habarlamada.
Sonymen qatar, mámile ózara qolaıly qarjylyq sharttarmen jasalǵany jáne barlyq qajetti retteýshilik maquldaýlardan ótkeni aıtyldy.
”Adyrna” ulttyq portaly
