رەسەي مەن بەلارۋس ازاماتتارى قازاقستان بانكتەرىندە جاپپاي شوت اشتىرىپ جاتىر. بۇل تۋرالى قارجى نارىعىن رەتتەۋ جانە دامىتۋ اگەنتتىگى تۇسىنىكتەمە بەردى دەپ حابارلايدى “ادىرنا” ۇلتتىق پورتالى.
اگەنتتىكتىڭ مالىمەتىنە سۇيەنسەك، 24 اقپاننان بەرى قازاقستان بانكتەرىندە رەسەي مەن بەلورۋسسيانىڭ رەزيدەنت-جەكە تۇلعالارى ءۇشىن 11 940 شوت اشىلعان. ولاردىڭ اراسىندا 10 725 شوت ءوتىنىش بەرۋشىنىڭ نەمەسە سەنىم بىلدىرىلگەن ادامنىڭ قازاقستان بانكىندە جەكە بولۋى ەسەبىنەن جانە 1 215 شوت قاشىقتان اشىلعان.
قازىر قر بانكتەرىندە شوتى بار ازاماتتاردىڭ سانى – 162 مىڭعا، ال قازاقستان بانكتەرىندە شوتتارى بار رەسەي ۇيىمدارىنىڭ جالپى سانى 805-كە جەتكەن.
بۇعان قوسا، اگەنتتىك رەسەي ازاماتتارى اشقان جاڭا شوتتاردىڭ سانى وسكەنىن ايتتى.
”ادىرنا” ۇلتتىق پورتالى
