«سامۇرىق-قازىنا» قورىنىڭ پورتفەلدىك كومپانيالارى جىل سايىن ءوز قىزمەت ايماقتارىندا «مەكتەپكە جول» رەسپۋبليكالىق اكتسياسىنا قاتىسىپ، اتا-انالارعا وقۋ جىلىنىڭ باسىنا دەيىن بالالاردى دايىنداۋعا كومەكتەسەدى. بىراق قور بالالار جىلى اياسىندا اكتسياعا ورتالىقتاندىرىلعان تۇردە قاتىسىپ، بار وڭىرلەردەگى 12 000 بولاشاق ءبىرىنشى سىنىپ وقۋشىسىنا قاجەتتى وقۋ قۇرالدارى جيىنتىعىمەن ريۋكزاك تۇرىندە سىيلىق بەرۋدى ۇيعاردى، دەپ حابارلايدى “ادىرنا” ۇلتتىق پورتالى.
SK NEWS سايتىنىڭ مالىمەتىنشە، قازاقستان رەسپۋبليكاسى ءبىلىم مينيسترلىگى بالالاردىڭ قۇقىقتارىن قورعاۋ كوميتەتىنىڭ باستاماسىمەن باستاۋ العان «مەكتەپكە جول» اكتسياسى بيىل «شەكاراسىز جاقسىلىق!» ۇرانىمەن ءوتتى.
«اكتسيا از قامتىلعان، كوپ بالالى وتباسىلاردان شىققان مەكتەپ وقۋشىلارىنا، جەتىم جانە اتا-اناسىنىڭ قامقورلىعىنسىز قالعان بالالارعا قاجەتتى كومەك كورسەتۋ ماقساتىندا وتكىزىلۋدە. ءاربىر مەكتەپتە الەۋمەتتىك كومەككە مۇقتاج بالالاردىڭ اتاۋلى جەكە تىزىمدەرى جاسالعان. وعان بارلىق قامقور ازاماتتار، كاسىپكەرلەر، مەتسەناتتار قوسىلىپ، مۇقتاج جاندارعا قولداۋ كورسەتە الادى»، – دەيدى بالالار قۇقىعىن قورعاۋ كوميتەتىنىڭ توراعاسى ەسەنعازى يمانعاليەۆ.
مەملەكەت ۇندەۋىنە العاشقىلاردىڭ ءبىرى بولىپ «سامۇرىق-قازىنا» ۇلتتىق ءال-اۋقات قورى ءۇن قوستى. «Samruk-Kazyna Trust» الەۋمەتتىك جوبالاردى دامىتۋ كورپوراتيۆتىك قورىنان مەكتەپ قۇرال-جابدىقتارىن ساتىپ الۋعا 185 ميلليون تەڭگە ءبولىندى، ال قوردىڭ الەۋمەتتىك ءوزارا ارەكەتتەسۋ جانە كوممۋنيكاتسيا ورتالىعىنا (تسسۆك) سىيلىقتار دايىنداپ، وڭىرلەرگە جەتكىزۋ تاپسىرىلدى.
ۇجىم قازاقستاننىڭ ون وبلىسىنىڭ – قور كومپانيالارى جۇمىس ىستەيتىن وڭىرلەردىڭ اكىمدىكتەرىنەن حالىقتىڭ الەۋمەتتىك وسال توپتارىنان شىققان وتباسىلاردىڭ ءتىزىمىن الدى. سىيلىقتار اقمولا، اقتوبە، اتىراۋ، شىعىس قازاقستان، باتىس قازاقستان، ماڭعىستاۋ، قىزىلوردا، تۇركىستان، پاۆلودار، اباي وبلىستارىنان كەلگەن بالالارعا بەرىلەدى.
ايتا كەتەيىك، مەكتەپكە قاجەتتى قۇرال-جابدىقتارمەن بىرگە ءبىر ريۋكزاكتىڭ قۇنى 15 مىڭ تەڭگە. جيىنتىقتا 12 زات بار - قالامدار مەن قارىنداشتارى، قارىنداش قوراپشاسى، وشىرگىش جانە ۇشتاعىش، سونىمەن قاتار داپتەرلەر، ءتۇرلى-ءتۇستى قاعاز، ەسكيز داپتەرى، بوياۋلار، قىلقالامدار جانە اياق كيىم اۋىستىرۋعا ارنالعان سومكە بار.
1 قىركۇيەككە دەيىن ريۋكزاكتاردى جيناپ، وقۋشىلارعا جەتكىزۋ ءۇشىن تسسۆك قىزمەتكەرلەرى كىدىرىسسىز وقۋ قۇرالدارىن مەرزىمىنەن بۇرىن ساتىپ الدى.
12 000 ريۋكزاكتاردى جابدىقتاۋ وڭاي بولماعاندىقتان كومەككە ەرىكتىلەر كەلدى. جوبا ۇيلەستىرۋشىسى، الەۋمەتتىك ءوزارا ارەكەتتەسۋ جانە كوممۋنيكاتسيا ورتالىعىنىڭ HR مامانى ايگۇل سمايىلوۆا اتاپ وتكەندەي، كوپتەگەن پورتفەلدىك كومپانيالاردىڭ ءوز ۆولونتەرلىك توپتارى بار، ولاردىڭ ەسەپشوتىندا ءبىر ەمەس، بىرنەشە ءساتتى ءىس-شارالار بار.
اكتسياعا الماتى قالاسىنىڭ ۆولونتەرلىك ۇيىمدارى دا شەت قالماي قوسىلدى. ال «سامۇرىق-ەنەرگو» كومپانياسى الماتى جەو-1 اۋماعىنان قويما بەردى. مۇندا ۆولونتەرلەر نەبارى بەس كۇننىڭ ىشىندە وبلىستارعا سىيلىقتاردى قالىپتاستىرىپ، اياقتاپ، جونەلتە الدى.
وسىنداي جۇمىسقا داعدىلانعان «قازپوشتا» اق قىزمەتكەرلەرى دە اكتسياعا اتسالىستى.
«ءبىزدىڭ كومپانيا جوبانى قولداپ، بەلسەندى قاتىستى. ءبىز ەلىمىزدىڭ 10 وڭىرىندەگى 12 مىڭ بولاشاق ءبىرىنشى سىنىپ وقۋشىسى ءۇشىن وقۋ قۇرالدارىمەن جيناقتاردى دىتتەگەن جەرىنە جەتكىزەمىز. «قازپوچتا» قىزمەتكەرلەرى وڭىرلەرگە تاسىمالداۋدى سۇرىپتاپ، قاپتاپ، ءارى قاراي قامتاماسىز ەتۋگە كومەكتەسەدى»، - دەپ ءتۇسىندىردى «قازپوچتا» اق كورپوراتيۆتىك ماسەلەلەر جونىندەگى باسقارۋشى ديرەكتورى ساۋلە ابىلباەۆا.
«سامۇرىق-قازىنا» اق باسقارۋشى ديرەكتورى عيبرات اۋعانوۆ ۆولونتەرلەرگە ءوز قولداۋىن كورسەتىپ، بۇل كۇندەرى ەرىكتىلەردى سوزبەن عانا ەمەس، جەكە ونەگەسىمەن دە شابىتتاندىردى.
«ءار ريۋكزاكتا ءبىز بارلىق قاجەتتى وقۋ قۇرالدارىن جانە جۇرەگىمىزدىڭ كىشكەنە جىلۋىن سالامىز. بۇل بەلگىلى ءبىر كۇنگە ارنالعان «وقيعا» عانا ەمەس. بۇل ءبىزدىڭ ازاماتتىق بورىشىمىز»، – دەيدى عيبرات اۋعانوۆ.
«قايىرىمدىلىق اكتسياسىنا قاتىسقان العاشقى كۇننەن-اق مەن بۇكىل قور قىزمەتكەرلەرىنىڭ يگى جانە جارقىن ءىس جاساۋعا دەگەن قۇلشىنىسى بىرىكتىرەتىنىنە تاعى ءبىر مارتە كوز جەتكىزدىم. ءبىز، ەنەرگەتيكتەر، ءبىز ءجيى وتكىزەتىن ءارتۇرلى قايىرىمدىلىق شارالارىنا قاتىسۋدا ۇلكەن تاجىريبەمىز بار. بيىلعى جىلى قوردىڭ وڭىردەگى بالالارعا جاڭا وقۋ جىلىنا دايىندالۋعا ورتالىقتاندىرىلعان تۇردە كومەكتەسىپ جاتقانىنا قۋانىشتىمىن»، - دەدى ءوز اسەرىمەن بولىسكەن «الماتى ەلەكتر ستانتسيالارى» اق وكىلى فاريزا بوتاقاراەۆا.
ەرىكتىلەر كۇن سايىن تاڭعى 8-دەن كەشكى 5-كە دەيىن جۇمىس ىستەدى. الەۋمەتتىك ءوزارا ارەكەتتەستىك جانە كوممۋنيكاتسيالار ورتالىعى الماتى جەو-1 اسحاناسىندا ولارعا تۇسكى اس ۇيىمداستىردى.
«مەن بۇل اكتسياعا ءوز ەركىممەن قاتىستىم، ويتكەنى بالالارعا جاقسىلىق جاساۋ ومىردەگى ەڭ جاعىمدى نارسە. قوردىڭ مۇنداي يگى ىستەرگە اتسالىسۋدان شەت قالماعانى قۋانتادى»، – دەيدى الماتى جەو-1 اقپاراتتىق تەحنولوگيالار ءبولىمىنىڭ قىزمەتكەرى اقىلبەك ەرعازيەۆ.
اقىلبەك قازىر 19 جاستا، ونىڭ ءوزى مەكتەپ قابىرعاسىنان شىققانىنا كوپ ۋاقىت وتپەدى. قايىرىمدىلىق شاراسىنا قاتىسىپ، سول الاڭسىز ۋاقىتقا قايتا ورالعانداي بولدى.
«مەكتەپكە جول» جوباسىنىڭ تاعى ءبىر ۆولونتەرى جانە ۇيلەستىرۋشىسى ايا ءجۇنىسوۆا مۇنداي شارالار قازاقستاننىڭ تۇكپىر-تۇكپىرىندە ءجيى وتكىزىلىپ تۇرۋى كەرەك دەپ ەسەپتەيدى.
«ەڭبەكپەن ەلىمىزدىڭ جانە ونىڭ بولاشاعى - بالالاردىڭ دامۋىنا ۇلەس قوسىپ جاتقانىمىزدى ءتۇسىنۋ قۋانتادى»، - دەيدى ايا
بەس كۇننەن كەيىن 12 000 ريۋكزاكتار سالىنىپ، جينالدى. قور كومپانيالارىنىڭ باسىم بولىگى شوعىرلانعان جانە جەتكىزۋگە كوبىرەك ۋاقىت قاجەت بولاتىن ەلدىڭ باتىس وڭىرلەرىنە سىيلىقتار سالىنعان قوراپتاردى ءبىرىنشى بولىپ جونەلتتىك. مەيىرىمدىلىك ەستافەتاسىن قورجىندىق كومپانيالاردىڭ قىزمەتكەرلەرى مەن ەرىكتىلەرى الىپ كەتتى. ولاردىڭ قيىن، بىراق جاعىمدى ميسسياسى بار - بالالاردىڭ وزدەرىنە جانە ولاردىڭ اتا-انالارىنا سىيلىقتار تاراتۋ.
1 قىركۇيەككە قاراي ءار بالا كوپتەن كۇتكەن ريۋكزاكتارىن الدى.
”ادىرنا” ۇلتتىق پورتالى
