«Samuryq-Qazyna» qorynyń portfeldik kompanııalary jyl saıyn óz qyzmet aımaqtarynda «Mektepke jol» respýblıkalyq akııasyna qatysyp, ata-analarǵa oqý jylynyń basyna deıin balalardy daıyndaýǵa kómektesedi. Biraq Qor balalar jyly aıasynda akııaǵa ortalyqtandyrylǵan túrde qatysyp, bar óńirlerdegi 12 000 bolashaq birinshi synyp oqýshysyna qajetti oqý quraldary jıyntyǵymen rıýkzak túrinde syılyq berýdi uıǵardy, dep habarlaıdy “Adyrna” ulttyq portaly.
SK NEWS saıtynyń málimetinshe, Qazaqstan Respýblıkasy Bilim mınıstrligi Balalardyń quqyqtaryn qorǵaý komıtetiniń bastamasymen bastaý alǵan «Mektepke jol» akııasy bıyl «Shekarasyz jaqsylyq!» uranymen ótti.
«Akııa az qamtylǵan, kóp balaly otbasylardan shyqqan mektep oqýshylaryna, jetim jáne ata-anasynyń qamqorlyǵynsyz qalǵan balalarǵa qajetti kómek kórsetý maqsatynda ótkizilýde. Árbir mektepte áleýmettik kómekke muqtaj balalardyń ataýly jeke tizimderi jasalǵan. Oǵan barlyq qamqor azamattar, kásipkerler, meenattar qosylyp, muqtaj jandarǵa qoldaý kórsete alady», – deıdi Balalar quqyǵyn qorǵaý komıtetiniń tóraǵasy Esenǵazy Imanǵalıev.
Memleket úndeýine alǵashqylardyń biri bolyp «Samuryq-Qazyna» Ulttyq ál-aýqat qory ún qosty. «Samruk-Kazyna Trust» áleýmettik jobalardy damytý korporatıvtik qorynan mektep qural-jabdyqtaryn satyp alýǵa 185 mıllıon teńge bólindi, al Qordyń Áleýmettik ózara árekettesý jáne kommýnıkaııa ortalyǵyna (SVK) syılyqtar daıyndap, óńirlerge jetkizý tapsyryldy.
Ujym Qazaqstannyń on oblysynyń – Qor kompanııalary jumys isteıtin óńirlerdiń ákimdikterinen halyqtyń áleýmettik osal toptarynan shyqqan otbasylardyń tizimin aldy. Syılyqtar Aqmola, Aqtóbe, Atyraý, Shyǵys Qazaqstan, Batys Qazaqstan, Mańǵystaý, Qyzylorda, Túrkistan, Pavlodar, Abaı oblystarynan kelgen balalarǵa beriledi.
Aıta keteıik, mektepke qajetti qural-jabdyqtarmen birge bir rıýkzaktyń quny 15 myń teńge. Jıyntyqta 12 zat bar - qalamdar men qaryndashtary, qaryndash qorapshasy, óshirgish jáne ushtaǵysh, sonymen qatar dápterler, túrli-tústi qaǵaz, eskız dápteri, boıaýlar, qylqalamdar jáne aıaq kıim aýystyrýǵa arnalǵan sómke bar.
1 qyrkúıekke deıin rıýkzaktardy jınap, oqýshylarǵa jetkizý úshin SVK qyzmetkerleri kidirissiz oqý quraldaryn merziminen buryn satyp aldy.
12 000 rıýkzaktardy jabdyqtaý ońaı bolmaǵandyqtan kómekke eriktiler keldi. Joba úılestirýshisi, Áleýmettik ózara árekettesý jáne kommýnıkaııa ortalyǵynyń HR mamany Aıgúl Smaıylova atap ótkendeı, kóptegen portfeldik kompanııalardyń óz volonterlik toptary bar, olardyń esepshotynda bir emes, birneshe sátti is-sharalar bar.
Akııaǵa Almaty qalasynyń volonterlik uıymdary da shet qalmaı qosyldy. Al «Samuryq-Energo» kompanııasy Almaty JEO-1 aýmaǵynan qoıma berdi. Munda volonterler nebári bes kúnniń ishinde oblystarǵa syılyqtardy qalyptastyryp, aıaqtap, jónelte aldy.
Osyndaı jumysqa daǵdylanǵan «Qazposhta» AQ qyzmetkerleri de akııaǵa atsalysty.
«Bizdiń kompanııa jobany qoldap, belsendi qatysty. Biz elimizdiń 10 óńirindegi 12 myń bolashaq birinshi synyp oqýshysy úshin oqý quraldarymen jınaqtardy dittegen jerine jetkizemiz. «Qazpochta» qyzmetkerleri óńirlerge tasymaldaýdy suryptap, qaptap, ári qaraı qamtamasyz etýge kómektesedi», - dep túsindirdi «Qazpochta» AQ korporatıvtik máseleler jónindegi basqarýshy dırektory Sáýle Ábilbaeva.
«Samuryq-Qazyna» AQ Basqarýshy dırektory Ǵıbrat Aýǵanov volonterlerge óz qoldaýyn kórsetip, bul kúnderi eriktilerdi sózben ǵana emes, jeke ónegesimen de shabyttandyrdy.
«Ár rıýkzakta biz barlyq qajetti oqý quraldaryn jáne júregimizdiń kishkene jylýyn salamyz. Bul belgili bir kúnge arnalǵan «oqıǵa» ǵana emes. Bul bizdiń azamattyq boryshymyz», – deıdi Ǵıbrat Aýǵanov.
«Qaıyrymdylyq akııasyna qatysqan alǵashqy kúnnen-aq men búkil Qor qyzmetkerleriniń ıgi jáne jarqyn is jasaýǵa degen qulshynysy biriktiretinine taǵy bir márte kóz jetkizdim. Biz, energetıkter, biz jıi ótkizetin ártúrli qaıyrymdylyq sharalaryna qatysýda úlken tájirıbemiz bar. Bıylǵy jyly Qordyń óńirdegi balalarǵa jańa oqý jylyna daıyndalýǵa ortalyqtandyrylǵan túrde kómektesip jatqanyna qýanyshtymyn», - dedi óz áserimen bólisken «Almaty elektr stanııalary» AQ ókili Farıza Botaqaraeva.
Eriktiler kún saıyn tańǵy 8-den keshki 5-ke deıin jumys istedi. Áleýmettik ózara árekettestik jáne kommýnıkaııalar ortalyǵy Almaty JEO-1 ashanasynda olarǵa túski as uıymdastyrdy.
«Men bul akııaǵa óz erkimmen qatystym, óıtkeni balalarǵa jaqsylyq jasaý ómirdegi eń jaǵymdy nárse. Qordyń mundaı ıgi isterge atsalysýdan shet qalmaǵany qýantady», – deıdi Almaty JEO-1 aqparattyq tehnologııalar bóliminiń qyzmetkeri Aqylbek Erǵazıev.
Aqylbek qazir 19 jasta, onyń ózi mektep qabyrǵasynan shyqqanyna kóp ýaqyt ótpedi. Qaıyrymdylyq sharasyna qatysyp, sol alańsyz ýaqytqa qaıta oralǵandaı boldy.
«Mektepke jol» jobasynyń taǵy bir volontery jáne úılestirýshisi Aıa Júnisova mundaı sharalar Qazaqstannyń túkpir-túkpirinde jıi ótkizilip turýy kerek dep esepteıdi.
«Eńbekpen elimizdiń jáne onyń bolashaǵy - balalardyń damýyna úles qosyp jatqanymyzdy túsiný qýantady», - deıdi Aıa
Bes kúnnen keıin 12 000 rıýkzaktar salynyp, jınaldy. Qor kompanııalarynyń basym bóligi shoǵyrlanǵan jáne jetkizýge kóbirek ýaqyt qajet bolatyn eldiń batys óńirlerine syılyqtar salynǵan qoraptardy birinshi bolyp jónelttik. Meıirimdilik estafetasyn qorjyndyq kompanııalardyń qyzmetkerleri men eriktileri alyp ketti. Olardyń qıyn, biraq jaǵymdy mıssııasy bar - balalardyń ózderine jáne olardyń ata-analaryna syılyqtar taratý.
1 qyrkúıekke qaraı ár bala kópten kútken rıýkzaktaryn aldy.
”Adyrna” ulttyq portaly
