«Samūryq-Qazyna» qorynyŋ portfeldık kompaniialary jyl saiyn öz qyzmet aimaqtarynda «Mektepke jol» respublikalyq aksiiasyna qatysyp, ata-analarǧa oqu jylynyŋ basyna deiın balalardy daiyndauǧa kömektesedı. Bıraq Qor balalar jyly aiasynda aksiiaǧa ortalyqtandyrylǧan türde qatysyp, bar öŋırlerdegı 12 000 bolaşaq bırınşı synyp oquşysyna qajettı oqu qūraldary jiyntyǧymen riukzak türınde syilyq berudı ūiǧardy, dep habarlaidy “Adyrna” ūlttyq portaly.
SK NEWS saitynyŋ mälımetınşe, Qazaqstan Respublikasy Bılım ministrlıgı Balalardyŋ qūqyqtaryn qorǧau komitetınıŋ bastamasymen bastau alǧan «Mektepke jol» aksiiasy biyl «Şekarasyz jaqsylyq!» ūranymen öttı.
«Aksiia az qamtylǧan, köp balaly otbasylardan şyqqan mektep oquşylaryna, jetım jäne ata-anasynyŋ qamqorlyǧynsyz qalǧan balalarǧa qajettı kömek körsetu maqsatynda ötkızılude. Ärbır mektepte äleumettık kömekke mūqtaj balalardyŋ atauly jeke tızımderı jasalǧan. Oǧan barlyq qamqor azamattar, käsıpkerler, mesenattar qosylyp, mūqtaj jandarǧa qoldau körsete alady», – deidı Balalar qūqyǧyn qorǧau komitetınıŋ töraǧasy Esenǧazy İmanǧaliev.
Memleket ündeuıne alǧaşqylardyŋ bırı bolyp «Samūryq-Qazyna» Ūlttyq äl-auqat qory ün qosty. «Samruk-Kazyna Trust» äleumettık jobalardy damytu korporativtık qorynan mektep qūral-jabdyqtaryn satyp aluǧa 185 million teŋge bölındı, al Qordyŋ Äleumettık özara ärekettesu jäne kommunikasiia ortalyǧyna (SSVK) syilyqtar daiyndap, öŋırlerge jetkızu tapsyryldy.
Ūjym Qazaqstannyŋ on oblysynyŋ – Qor kompaniialary jūmys ısteitın öŋırlerdıŋ äkımdıkterınen halyqtyŋ äleumettık osal toptarynan şyqqan otbasylardyŋ tızımın aldy. Syilyqtar Aqmola, Aqtöbe, Atyrau, Şyǧys Qazaqstan, Batys Qazaqstan, Maŋǧystau, Qyzylorda, Türkıstan, Pavlodar, Abai oblystarynan kelgen balalarǧa berıledı.
Aita keteiık, mektepke qajettı qūral-jabdyqtarmen bırge bır riukzaktyŋ qūny 15 myŋ teŋge. Jiyntyqta 12 zat bar - qalamdar men qaryndaştary, qaryndaş qorapşasy, öşırgış jäne ūştaǧyş, sonymen qatar däpterler, türlı-tüstı qaǧaz, eskiz däpterı, boiaular, qylqalamdar jäne aiaq kiım auystyruǧa arnalǧan sömke bar.
1 qyrküiekke deiın riukzaktardy jinap, oquşylarǧa jetkızu üşın SSVK qyzmetkerlerı kıdırıssız oqu qūraldaryn merzımınen būryn satyp aldy.
12 000 riukzaktardy jabdyqtau oŋai bolmaǧandyqtan kömekke erıktıler keldı. Joba üilestıruşısı, Äleumettık özara ärekettesu jäne kommunikasiia ortalyǧynyŋ HR mamany Aigül Smaiylova atap ötkendei, köptegen portfeldık kompaniialardyŋ öz volonterlık toptary bar, olardyŋ esepşotynda bır emes, bırneşe sättı ıs-şaralar bar.
Aksiiaǧa Almaty qalasynyŋ volonterlık ūiymdary da şet qalmai qosyldy. Al «Samūryq-Energo» kompaniiasy Almaty JEO-1 aumaǧynan qoima berdı. Mūnda volonterler nebärı bes künnıŋ ışınde oblystarǧa syilyqtardy qalyptastyryp, aiaqtap, jönelte aldy.
Osyndai jūmysqa daǧdylanǧan «Qazpoşta» AQ qyzmetkerlerı de aksiiaǧa atsalysty.
«Bızdıŋ kompaniia jobany qoldap, belsendı qatysty. Bız elımızdıŋ 10 öŋırındegı 12 myŋ bolaşaq bırınşı synyp oquşysy üşın oqu qūraldarymen jinaqtardy dıttegen jerıne jetkızemız. «Qazpochta» qyzmetkerlerı öŋırlerge tasymaldaudy sūryptap, qaptap, ärı qarai qamtamasyz etuge kömektesedı», - dep tüsındırdı «Qazpochta» AQ korporativtık mäseleler jönındegı basqaruşy direktory Säule Äbılbaeva.
«Samūryq-Qazyna» AQ Basqaruşy direktory Ǧibrat Auǧanov volonterlerge öz qoldauyn körsetıp, būl künderı erıktılerdı sözben ǧana emes, jeke önegesımen de şabyttandyrdy.
«Är riukzakta bız barlyq qajettı oqu qūraldaryn jäne jüregımızdıŋ kışkene jyluyn salamyz. Būl belgılı bır künge arnalǧan «oqiǧa» ǧana emes. Būl bızdıŋ azamattyq boryşymyz», – deidı Ǧibrat Auǧanov.
«Qaiyrymdylyq aksiiasyna qatysqan alǧaşqy künnen-aq men bükıl Qor qyzmetkerlerınıŋ igı jäne jarqyn ıs jasauǧa degen qūlşynysy bırıktıretınıne taǧy bır märte köz jetkızdım. Bız, energetikter, bız jiı ötkızetın ärtürlı qaiyrymdylyq şaralaryna qatysuda ülken täjıribemız bar. Biylǧy jyly Qordyŋ öŋırdegı balalarǧa jaŋa oqu jylyna daiyndaluǧa ortalyqtandyrylǧan türde kömektesıp jatqanyna quanyştymyn», - dedı öz äserımen bölısken «Almaty elektr stansiialary» AQ ökılı Fariza Botaqaraeva.
Erıktıler kün saiyn taŋǧy 8-den keşkı 5-ke deiın jūmys ıstedı. Äleumettık özara ärekettestık jäne kommunikasiialar ortalyǧy Almaty JEO-1 ashanasynda olarǧa tüskı as ūiymdastyrdy.
«Men būl aksiiaǧa öz erkımmen qatystym, öitkenı balalarǧa jaqsylyq jasau ömırdegı eŋ jaǧymdy närse. Qordyŋ mūndai igı ısterge atsalysudan şet qalmaǧany quantady», – deidı Almaty JEO-1 aqparattyq tehnologiialar bölımınıŋ qyzmetkerı Aqylbek Erǧaziev.
Aqylbek qazır 19 jasta, onyŋ özı mektep qabyrǧasynan şyqqanyna köp uaqyt ötpedı. Qaiyrymdylyq şarasyna qatysyp, sol alaŋsyz uaqytqa qaita oralǧandai boldy.
«Mektepke jol» jobasynyŋ taǧy bır volontery jäne üilestıruşısı Aia Jünısova mūndai şaralar Qazaqstannyŋ tükpır-tükpırınde jiı ötkızılıp tūruy kerek dep esepteidı.
«Eŋbekpen elımızdıŋ jäne onyŋ bolaşaǧy - balalardyŋ damuyna üles qosyp jatqanymyzdy tüsınu quantady», - deidı Aia
Bes künnen keiın 12 000 riukzaktar salynyp, jinaldy. Qor kompaniialarynyŋ basym bölıgı şoǧyrlanǧan jäne jetkızuge köbırek uaqyt qajet bolatyn eldıŋ batys öŋırlerıne syilyqtar salynǧan qoraptardy bırınşı bolyp jönelttık. Meiırımdılık estafetasyn qorjyndyq kompaniialardyŋ qyzmetkerlerı men erıktılerı alyp kettı. Olardyŋ qiyn, bıraq jaǧymdy missiiasy bar - balalardyŋ özderıne jäne olardyŋ ata-analaryna syilyqtar taratu.
1 qyrküiekke qarai är bala köpten kütken riukzaktaryn aldy.
”Adyrna” ūlttyq portaly
