ءماجىلىس توراعاسى ەرلان قوشانوۆ «بەتپە بەت» باعدارلاماسىندا بەرىك ۋاليگە بەرگەن سۇحباتىندا ەڭبەك ادامدارىن قۇرمەتتەۋىمىز قاجەت ەكەنىن ايتتى، دەپ حابارلايدى “ادىرنا” ۇلتتىق پورتالى.
حابار 24 ارناسىنىڭ مالىمدەۋىنشە، ءماجىلىس سپيكەرى پرەزيدەنت جولداۋىندا ايتىلعان باستى باعىتتاردى سارالاپ، نەگىزگىلەرىنە توقتالدى. سونىمەن قاتار، ءتورت تۇلىگىن تۇلەتىپ وسىرگەن اۋىل جۇرتىنىڭ باستى بازىناسىنا توقتالدى.
“جولداۋدا ايتىلعان جەر ماسەلەسىنىڭ ءبىرى – جايىلىم جەرلەر مەملەكەتكە قايتارىلا باستاعان. بۇگىنگە دەيىن 3 مىڭعا جۋىق گەكتار جەر مەملەكەت مەنشىگىنە وتكەن. بۇل ماسەلەنى مەملەكەت باسشىسى حالىققا جولداۋىندا شەگەلەپ ايتقانىن جەتكىزدى.
پرەزيدەنت وسى ماسەلەگە كوپ كوڭىل ءبولىپ ءجۇر. جاستاردى ەڭبەككە تارتۋ ماسەلەسىنە. بۇل ەلىمىزدەگى قوعامىمىزداعى قوردالانىپ تۇرعان ماسەلە. ەڭبەككە ءبىرىنشى ىنتالاندىرۋ ماسەلەسى. بىزدە جۇمىس جوق ەمەس. جۇمىس بار. وعان ىنتا كەرەك. ماماندىق الۋ كەرەك. سوعان ادام ءوزى ارەكەتتەنۋ كەرەك. وسىنى پرەزيدەنت ايتادى. مەنتاليتەت وزگەرتۋىمىز كەرەك. كورشى مەملكەتتەردىڭ ازاماتتارىن قاراساڭىز ولار ارلانباي رەسەيگە دە بارىپ جۇمىس ىستەيدى. قۇرىلىس جاساپ تا ءوز وتباسىن اسىرايدى جانە مەملەكەت ەكونوميكاسىنا دا كوپ كومەكتەسىپ جاتىر. ءبىزدىڭ قازاقستاندا دا ەڭبەككە وسىنداي كوزقاراس بولۋ كەرەك. كەشەگى امانات پارتياسىن سەزىندە دە وسى ماسەلەنى ايتقان. وكىنىشكە وراي قوعام، ۇكىمەت، اتقارۋشى ورگاندار پرەزيدەنتتىڭ ايتقانىن ءىلىپ اكەتە الماي جاتىرمىز. ۇلكەن ناسيحات جۇمىسى كەرەك. پارلامەنت دەپۋتاتتارى، ۇكىمەت مۇشەلەرى، اكىمدەر وسىعان باسا نازار اۋدارىپ وسىمەن اينالىسۋ كەرەك. سوىنڭ ىشىندە وسى مۇمكىندىكتى پايدالانا وتىرىپ ءوزىڭىزدىڭ ارىپتەستەرىڭىز باق-دا ۇلكەن ءرولى وتە زور. جۋرناليستەرمەن بىرىگىپ وسىنى ۇلكەن يدەولوگياعا اينالدىرۋىمىز قاجەت دەپ ويلايمىن”، - دەدى ءماجلىس سپيكەرى.
سونداي-اق ءماجىلىس توراعاسى «ۇلتتىق قور – بالالارعا» باعدارلاماسىنا دا توقتالدى. بۇل – پرەزيدەنت تاراپىنان ۇلكەن قامقورلىق ەكەنىن ايتتى.
“پرەزيدەنت جەردىڭ استى-ۇستىندەگى بايلىقتىڭ حالىققا تيەسىلى دەپ ايتقان بولاتىن. ال ەندى ۇلتتىق قور سول جەر قويىناۋىنداعى كىرىستەردەن تۇسكەن بايلىقتاردان قۇرالادى. بۇنى الەۋمەتتىك ادىلەتتىلىك دەپ ايتۋعا بولادى. پرەزيدەنت ايتقان سوزىندە تۇراتىنىن تاعى دا كورسەتتى. بۇل ءبىزدىڭ بالالارىمىز ءۇشىن، ۇلكەن ومىرگە دايىندالۋى ءۇشىن ۇلكەن ومىرگە اياق باساتىن العاشقى ءبىر باسپالداعى. پرەزيدەنت تاراپىنان ۇلكەن قامقورلىق”،- دەدى پارلامەنتى ءماجىلىسىنىڭ توراعاسى ەرلان قوشانوۆ.
ول سونىمەن قاتار ماسىلدىق پەن ەڭبەك ادامىنىڭ اراسىن اجىراتا ءبىلۋ كەرەگىن ايتتى.
“مەن ەندى شىنىن ايتسا وڭىردە قىزمەت ىستەگەن كەزدە ماسىلدىق بار جۇمىسقا ىنتاسى جوق ادامداردى كوپ كەزدەستىردىم. كوبىنە اتاۋلى الەۋمەتتىك كومەككە يەك ارتىپ العان. سوعان تەلمىرىپ وتىرعانىن دا كوردىم. سوعان قارنىمىز اشاتىن سول كەزدە. ولارمەن تالاي سويلەستىك تە ءبىز. سوندا ولار ايتادى. ەگەر مەن جۇمىس ىستەسەم كىرىسىمىز كوبەيىپ الەۋمەتتىك كومەكتەن ايىرىلىپ قالامىز عوي دەگەن اڭگىمەنى ايتقان ازاماتتار دا بولدى. ەندى ءبىز وسى پسيحولوگيادان ارىلۋىمىز كەرەك. ەڭبەك ادامدارىن قۇرمەتتەۋىمىز كەرەك - دەدى ول.
”ادىرنا” ۇلتتىق پورتالى
