قازاقستان بيلىگى ناقتى جوسپارسىز نازارباەۆ زياتكەرلىك مەكتەپتەرىنە (نزم) بەس جىل ىشىندە 250 ميلليارد تەڭگە بولگەن. بۇل تۋرالى جوعارى اۋديتورلىق پالاتا مالىمدەدى، دەپ حابارلايدى “ادىرنا” ۇلتتىق پورتالى قازتاگ-قا سىلتەپ.
«جالپى ەسەپتى كەزەڭدە (2019-2023 ج.) نزم جۇمىس ىستەۋىنە بيۋدجەتتەن 250 ملرد تەڭگە، ونىڭ ىشىندە تاجىريبەنى اۋدارۋعا 22 ملرد تەڭگەدەن استام قاراجات ءبولىندى. سونىمەن قاتار، بۇگىندە مەملەكەتتىك جوسپارلاۋ جۇيەسىندەگى نزم ءرولىنىڭ ناقتى انىقتاماسى جوق»، - دەپ حابارلادى جوعارى اۋديتورلىق پالاتا.
اقپاراتقا سايكەس، ءبىلىم بەرۋ ۇدەرىسى ءۇشىن بەيىندى مينيسترلىك ماقۇلداعان 3 مىڭنان استام وقۋلىقتىڭ نزم ۇلەسىنە نەبارى 67 نەمەسە 2% - ى تيەسىلى، ياعني ۇيىمنىڭ ورتا ءبىلىم بەرۋ جۇيەسىن دامىتۋ جونىندەگى قولدا بار الەۋەتى تولىق كولەمدە پايدالانىلمايدى. قول جەتكىزىلگەن ناتيجەلەر بولىنەتىن قارجىلاندىرۋ كولەمىنە سايكەس كەلمەيدى. مىسالى، ۇلىتاۋ وبلىسىنىڭ بارلىق بيۋدجەتى بەس جىلدان از ۋاقىت ىشىندە نزم-گە ءبولىندى. ونىڭ ىشىندە، تاجىريبەنى تاراتۋعا ت22 ملرد استام.
نزم قارجىلاندىرۋ مەحانيزمى قاراجاتتىڭ اشىقتىعىن، ەسەپتىلىگىن جانە ماقساتتى پايدالانىلۋىن قامتاماسىز ەتپەيدى. نزم جۇزەگە اسىرىلماعان شارالاردى جوسپارلاعانى انىقتالدى. اۋديتورلاردىڭ قورىتىندىسى بويىنشا 2019-2023 جىلدارعا ورىندالماعان شارالاردىڭ كولەمى شامامەن 8 ملرد تەڭگەنى قۇرادى.
سونداي-اق، ءۇش جىل ىشىندە نزم 16,4 ملرد تەڭگەنى يگەرمەگەن، ال بانك شوتتارىندا جىل سايىن 27 ملرد تەڭگەدەن 55 ملرد تەڭگەگە دەيىن قاراجات جيناقتالعان.
جالپى مەملەكەتتىك اۋديت انىقتاعانداي: 274,4 ملن تەڭگەگە قارجىلىق بۇزۋشىلىقتار، ءتيىمسىز جوسپارلاۋ – 8,3 ملرد تەڭگە، ءتيىمسىز پايدالانۋ – 6 ملرد تەڭگەگە جۋىق، 134 راسىمدىك جانە 30 جۇيەلىك كەمشىلىكتەر.
تەكسەرۋلەردىڭ قورىتىندىسى بويىنشا ءبىر ماتەريال قۇقىق قورعاۋ ورگاندارىنا جولدانسا، تاعى 10 ماتەريال اكىمشىلىك ءىس قوزعاۋعا جولداندى.
