قىرعىزستاندا بيلىكتى باسىپ الماق بولعانداردىڭ جولى كەسىلدى

649

قىرعىزستاننىڭ ۇلتتىق قاۋىپسىزدىك مەملەكەتتىك كوميتەتى ىشكى ىستەر مينيسترلىگىمەن بىرلەسىپ، ەل اۋماعىندا بيلىكتى كۇشپەن باسىپ الماق بولعانداردىڭ جولى كەستى، دەپ حابارلايدى Sputnik قىرعىزستان.

بيلىكتى باسىپ الۋ ءۇشىن جاعدايدى تۇراقسىزداندىرۋدى جوسپارلاعان توپتى قىرعىزستان ءىىم قىزمەتكەرلەرى پارلامەنت سايلاۋى الدىنداعى قاۋىپسىزدىكتى قامتاماسىز ەتۋ جۇمىستارى بارىسىندا انىقتاعان.

"سايلاۋ وتە سالا ەلدەگى قوعامدىق-ساياسي جاعدايدى تۇراقسىزداندىرىپ، ارانداتۋ ارقىلى ارى قاراي بيلىكتى كۇشتەپ باسىپ الۋدى جوسپارلاعان ءبىر توپ تۇلعا جايلى دەرەكتەر انىقتالدى", - دەلىنگەن قىرعىزستان ۇلتتىق قاۋىپسىزدىك مەملەكەتتىك كوميتەتى ءباسپاسوز قىزمەتىنىڭ حابارلاماسىندا.

اتالعان توپ جوگوركۋ كەنەش دەپۋتاتتارى مەن وزگە دە دەسترۋكتيۆتى كوزقاراستاعى شەنەۋنىكتەردىڭ باسقارۋىمەن ارەكەت ەتكەن.

"اتالعان توپ وتكەلى وتىرعان پارلامەنت سايلاۋىنىڭ ناتيجەلەرى جاريالانعان سوڭ جەكەلەگەن ساياسي كۇشتەردىڭ، ونىڭ ىشىندە سايلاۋدا جەڭىلگەندەردىڭ قولداۋىنا يەك ارتىپ، بىشكەك اۋماعىندا جاپپاي قارسىلىق شارالارىن ۇيىمداستىرىپ، ارى قاراي بيلىكتى باسىپ الۋدى كوزدەگەن", - دەيدى ۆەدومستۆونىڭ ءباسپاسوز قىزمەتى.

باسىلىمنىڭ حابارلاۋىنشا، توپ قۇرامىنا اگرەسسيۆتى كوزقاراستاعى جاستاردى جيناپ العان. ولار ارتىنشا قارسىلىق ۇيىمداستىرۋعا ءتيىس بولعان.

قۇقىق قورعاۋ ورگاندارى بەلسەندى قاتىسۋشىلاردىڭ تۇرعىلىقتى جەرى مەن كەڭسەلەرىنە ءتىنتۋ جۇمىستارىن جۇرگىزىپ، ولاردىڭ قىلمىسقا قاتىسۋعا دايىندالعانىن دالەلدەيتىن قۇجاتتار، قارۋ-جاراق، وق-ءدارى مەن ەسىرتكى زاتتارىن تاپقان.

ناتيجەسىندە قىلمىستىق توپتىڭ 5 مۇشەسى ۇستالىپ، قىلمىستىق جاۋاپكەرشىلىككە تارتىلعان. اتالعان قىلمىستىق ءىس بويىنشا تەرگەۋ امالدارى جالعاسىپ جاتىر.

"ادىرنا" ۇلتتىق پورتالى 

پىكىرلەر
ۇقساس جاڭالىقتار
Серіктестер/Партнеры
Студия IMA - создание сайтов Доставка цветов Астана - Lova Buket