ۋكراينالىق ساياساتكەرى گەراششەنكو توقاەۆتىڭ قازاقستاندى تۇبەگەيلى دەموكراتيالاندىرۋ تۋرالى شەشىمى كورشىلەس رەسەيلىك ساياساتكەرلەر ءۇشىن «اتوم بومباسى» بولاتىنىن ايتتى.
قازاقستان پرەزيدەنتى قاسىم-جومارت توقاەۆ ەلدە كەزەكتەن تىس پرەزيدەنت سايلاۋىن 2022 جىلدىڭ كۇزىندە وتكىزۋدى ۇسىندى. بۇل تۋرالى مەملەكەت باسشىسىنىڭ حالىققا جولداۋىندا جاساعان مالىمدەمەسىنە سىلتەمە جاساعان اقپارات اگەنتتىكتەرى حابارلايدى.
توقاەۆ ەلدەگى پرەزيدەنتتىك بيلىك جۇيەسىن ايتارلىقتاي وزگەرتۋدى ۇسىندى. قازاقستان پرەزيدەنتءى ومىرىندە ءبىر رەت قانا قىزمەت اتقارا الادى. وكىلەتتىك مەرزىمى – 7 جىل. ەگەر ۇسىنىس قابىلدانسا، توقاەۆ مەرزىمىنەن بۇرىن سايلاۋ جاريالاپ، وعان بارۋعا دايىن.
كەلەسى پرەزيدەنتتىك سايلاۋى تەك 2024 جىلى، ال پارلامەنت سايلاۋى 2025 جىلى ءوتۋى ءتيىس. ۇسىنىلعان باستامالار ماقۇلدانسا، جاڭا پرەزيدەنت بيىل كۇزدە سايلانادى، 2023 جىلدىڭ ءبىرىنشى جارتىسىندا پارلامەنتتىك سايلاۋ وتەدى. قازىرگى قازاقستان مەملەكەتءىنىڭ باسشىسى بىردەن بىرنەشە رەفورمالىق باستاما كوتەردى.
قاڭتار وقيعاسىنا قاتىسۋشىلارعا راقىمشىلىق جاريالاندى. ايەلدەر ءۇشىن زەينەت جاسى 63-تەن 61-گە دەيىن تومەندەتىلدى. قازىرگى مەملەكەت باسشىسى قازاقستان ۇلتتىق قورىنىڭ جىلدىق ينۆەستيتسيالىق كىرىسىنىڭ 50 پايىزىن ءاربىر كامەلەتكە تولماعان ازاماتتىڭ شوتىنا ەسەپتەۋدى ۇسىندى.
ۋكراينا ىشكى ىستەر مينيسترلىگى باسشىسىنىڭ كەڭەسشىسى انتون گەراششەنكو ءوزىنىڭ تەلەگرام-كانالىندا ۇسىنىلعان ساياسي باستامالار مەملەكەتتى دەموكراتيالاندىرۋدىڭ قايتىمسىز پروتسەسى ەكەنىن جانە كورشىلەس رەسەيلىك ساياساتكەرلەر ءۇشىن «اتوم بومباسىنا» اينالاتىنىن اتاپ ءوتتى.
«توقاەۆ ايتقان يدەيالار رەسەيلىك ساياساتكەرلەر ءۇشىن اتوم بومباسى بولىپ تابىلادى. قازاقستان پرەزيدەنتى پۋتيندىك رەسەيمەن ەمەس، وركەنيەتتى الەممەن بىرگە بولاتىنىن كورسەتتى. قازاقستاندا دەموكراتيالاندىرۋدىڭ قايتىمسىز پروتسەستەرى باستالدى»، - دەدى گەراششەنكو.
كەرىمسال جۇباتقانوۆ
