مەملەكەت باسشىسى قاسىم-جومارت "جۇمىسشى ماماندىقتارىنىڭ قالاسىن" ارالاپ كەلگەن كەيىن جاستارمەن جۇزدەستى، دەپ حابارلايدى “ادىرنا” ۇلتتىق پورتالى.
پرەزيدەنت ءوز سوزىندە ۋكراينا توڭىرەگىندەگى جاعداي تۋرالى پىكىر ءبىلدىرىپ، ەلىمىزدىڭ تىنىشتىعى مەن تۇراقتىلىعى ەڭ باستى قۇندىلىق ەكەنىنە نازار اۋداردى.
ء"بىز "بىرلىگىمىز – ارالۋاندىقتا" يدەولوگياسىن تەمىرقازىق ەتىپ ۇستانىپ وتىرمىز. ۇلتىمىز بەن نانىم-سەنىمىمىز ءارتۇرلى ەكەنىنە قاراماستان، ءبىر قوعامدا تۇتاس حالىق بولىپ ءومىر سۇرەمىز. مەن بارشاڭىزدى وسىناۋ تەرەڭ ۇدەرىستى تولىق تۇسىنۋگە شاقىرامىن. سوندا عانا تابىسقا جەتە الامىز.
قازىر ۋكراينا جونىندە كوپ ايتىلىپ جاتىر. ءبىز العاشقى كەزدەن باستاپ وسى سوعىستى مىندەتتى تۇردە توقتاتۋ كەرەك، ديپلوماتيالىق كەلىسسوزدەر ارقىلى ءبىر مامىلەگە كەلۋ قاجەت دەپ ايتتىق. بۇل ۇستانىمىمىز ەندى شىندىققا اينالدى. ەكى الپاۋىت ەل ساياسي سۇحبات جۇرگىزە باستادى. بۇل – جاقسى ءۇردىس. ءارى قازاقستانعا پايداسىن تيگىزەدى. سوندىقتان ءبىز مۇنى مەيلىنشە قولدايمىز", – دەدى پرەزيدەنت.
ەسكە سالايىق، بۇعان دەيىن ترامپ مەن ءپۋتيننىڭ جولىعاتىنى تۋرالى جازعان ەدىك.
