“سوعىستىڭ بەرەرىنەن الارى كوپ”

2049

«ادىرنا» ۇلتتىق-ەتنوگرافيالىق بىرلەستىگى الماتى قالاسىنىڭ ىشكى ساياسات باسقارماسىنىڭ قولداۋىمەن ىسكە اسىرىلىپ جاتقان  «ازاماتتىق بورىش» جوباسى اياسىندا  باۋىرجان مومىشۇلى اتىنداعى «جاس ۇلان» رەسپۋبليكالىق اسكەري مەكتەبىندە اۋعان سوعىسىنىڭ ارداگەرى «قۇرمەت» وردەنىنىڭ يەگەرى، «ەرلىگى ءۇشىن» مەدالىنىڭ يەگەرى ءادىل ابدىحالىقوۆپەن كەزدەسۋ وتكىزىلدى.

1980 جىلداردا مەكتەپتە وقىپ جۇرگەن ءادىل ابدىحالىقوۆ اسكەرگە شاقىرىلادى. ەلگە بورىشىن اتقارىپ جاتقان كەزىندە، شىعارىلعان جارلىق بويىنشا اۋعانستانعا جىبەرىلەتىنى جايلى حاباردار بولدى. ىستىق نۇكتەگە اتتانار الدىندا، كسرو ەلدەرىنەن جينالعان 700 اسكەر، ونىڭ ىشىندە 120 قازاق  ساپەر لاۋازىمىنا  تۇرىكمەنستانداعى اشحاباد قالاسىندا 2 ايلىق دايىندىققا جىبەرىلەدى. دايىندىقپەن اۋعانستانعا اتتانىپ سوعىستاعى كوزگە كورىنبەيتىن جاۋ – مينانى زالالسىزداندىرۋ، كولونالاردى ءبىر نۇكتەدەن، ەكىنشى نۇكتەگە جەتكىزۋ قىزمەتىمەن اينالاسقان. 60°-70° گرادۋستىق ىستىق اياسىندا تاۋ شاتقالدارى اراسىنان مينا ىزدەۋ ەڭ قيىن كەزەندەردىڭ ءبىرى بولعانىن ايتا كەتتى. سول كيىن ساتتەردە ينتەرناتسيونالدى ۇلتتار اراسىندا جۇرگەن قازاقتاردىڭ توزىمدىلىگى مەن قايسارلىعىنا نازار اۋداردى.

سوعىس بارىسىندا ءادىل بەكتاسۇلىمەن ءبىر روتادا 12 قازاق بولدى، ەكەۋى سوعىس الاڭىندا، بىرەۋى قازاقستانعا ورالىپ مەرت بولادى. قاسىرەتسىز سوعىس بولمايدى، دەسە دە،  قارۋلاس دوستارىنىڭ، مايداندا جاندارىن قيعان  جولداستارىنىڭ قۇرمەتىنە ءبىلىم العان مەكەمەلەرىندە سپورتتىق ءىس-شارالاردى ۇيىمداستىردى. قازاقستانعا ورالعاننان كەيىن وقۋعا ءتۇستى، بۇگىنگى تاڭدا ءوزىنىڭ جەكە ءىس كاسىبىمەن اينالىسۋدا. اۋعان سوعىسى بىتكەنىنە كەلەر جىلدا 30 جىل تولادى، وسى ۋاقىتتا اسكەري باۋىرلارىمەن بايلانىستارىن ۇزبەگەنىڭ ايتتى، ءاردايىم كەزدەسۋلەر وتكىزىپ، قارىم-قاتىناستارى تۋرالى ءبولىستى.

 

“سوعىستىڭ بەرەرىنەن الارى كوپ ەكەنىن ءتۇسىندىم، سوعىس ومىرگە قوز-قاراسىندى وزگەرتەدى، ومىرلىك مەكتەپتىن ەڭ قاتىگەزى سول بولار”، “سوعىستىڭ سۋىق تەرىن سەزىندىم”، “سوعىس تۋرالى كوپ كينو كورگەم، الايدا، سوعىسقا قاتىسقان ارداگەردىڭ كوزىمەن كورگەن جايتتى تىڭداۋ مۇلدەم باسقا سەزىم بەردى”، “ارداگەر قان مايداندا دوستارىنان ايىرىلعانى جايىندا ايتقاندا، كوڭىلىم ءتۇستى، بىرنەشە سۇراقتار قويىپ تا ۇلگەردىم”.  3 جانە 4 روتا ۇلاندارى ىشكى سەزىمدەرىمەن بولىسە كەتتى. ايتارلىق مەكتەپ وقۋشىلارى ۇزاققا سوزىلعان سۇراق-جاۋاپ ديسسكۋسسياسىنان كەيىن، ەستەلىككە ورتاق فوتوعا ءتۇستى.


انەل عاليەۆا

"ادىرنا" پورتالى

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket