«Adyrna» ulttyq-etnografııalyq birlestigi Almaty qalasynyń Ishki saıasat basqarmasynyń qoldaýymen iske asyrylyp jatqan «Azamattyq borysh» jobasy aıasynda Baýyrjan Momyshuly atyndaǵy «Jas ulan» respýblıkalyq áskerı mektebinde aýǵan soǵysynyń ardageri «Qurmet» ordeniniń ıegeri, «Erligi úshin» medaliniń ıegeri Ádil Ábdihalyqovpen kezdesý ótkizildi.
1980 jyldarda mektepte oqyp júrgen Ádil Ábdihalyqov áskerge shaqyrylady. Elge boryshyn atqaryp jatqan kezinde, shyǵarylǵan jarlyq boıynsha Aýǵanstanǵa jiberiletini jaıly habardar boldy. Ystyq núktege attanar aldynda, KSRO elderinen jınalǵan 700 ásker, onyń ishinde 120 qazaq saper laýazymyna Túrikmenstandaǵy Ashhabad qalasynda 2 aılyq daıyndyqqa jiberiledi. Daıyndyqpen Aýǵanstanǵa attanyp soǵystaǵy kózge kórinbeıtin jaý – mınany zalalsyzdandyrý, kolonalardy bir núkteden, ekinshi núktege jetkizý qyzmetimen aınalasqan. 60°-70° gradýstyq ystyq aıasynda taý shatqaldary arasynan mına izdeý eń qıyn kezenderdiń biri bolǵanyn aıta ketti. Sol kıyn sátterde ınternaıonaldy ulttar arasynda júrgen qazaqtardyń tózimdiligi men qaısarlyǵyna nazar aýdardy.
Soǵys barysynda Ádil Bektasulymen bir rotada 12 qazaq boldy, ekeýi soǵys alańynda, bireýi Qazaqstanǵa oralyp mert bolady. Qasiretsiz soǵys bolmaıdy, dese de, qarýlas dostarynyń, maıdanda jandaryn qıǵan joldastarynyń qurmetine bilim alǵan mekemelerinde sporttyq is-sharalardy uıymdastyrdy. Qazaqstanǵa oralǵannan keıin oqýǵa tústi, búgingi tańda óziniń jeke is kásibimen aınalysýda. Aýǵan soǵysy bitkenine keler jylda 30 jyl tolady, osy ýaqytta áskerı baýyrlarymen baılanystaryn úzbegeniń aıtty, árdaıym kezdesýler ótkizip, qarym-qatynastary týraly bólisti.
“Soǵystyń bererinen alary kóp ekenin túsindim, soǵys ómirge qóz-qarasyndy ózgertedi, ómirlik mekteptin eń qatygezi sol bolar”, “Soǵystyń sýyq terin sezindim”, “Soǵys týraly kóp kıno kórgem, alaıda, soǵysqa qatysqan ardagerdiń kózimen kórgen jaıtty tyńdaý múldem basqa sezim berdi”, “Ardager qan maıdanda dostarynan aıyrylǵany jaıynda aıtqanda, kóńilim tústi, birneshe suraqtar qoıyp ta úlgerdim”. 3 jáne 4 rota ulandary ishki sezimderimen bólise ketti. Aıtarlyq mektep oqýshylary uzaqqa sozylǵan suraq-jaýap dısskýssııasynan keıin, estelikke ortaq fotoǵa tústi.
Anel Ǵalıeva
"Adyrna" Portaly
