"قاراشادان كەيىن پارلامەنت تاراتىلۋى مۇمكىن". مۇنى «قازاقستان زاڭگەرلەرى وداعى» رەسپۋبليكالىق قوعامدىق بىرلەستىگىنىڭ توراعاسى سەرىك اقىلباي بولجادى دەپ حابارلايدى "ادىرنا" ۇلتتىق پورتالى baq.kz-كە سىلتەمە جاساپ.
مەنىڭ ويىمشا، قاراشادان كەيىن پارلامەنت تارقاتىلىپ، جاڭا زاڭ بويىنشا سايلاۋلار وتەدى. ءماسليحاتتاردا، ماجىلىستە ماجوريتارلى تۇردە تىكەلەي سايلانعان دەپۋتاتتارىمىز بولادى. ال تومەنگى ءماسليحاتتاردا دەپۋتاتتار 100 پايىز جاڭادان سايلانادى. حالىق ءوزى سايلايدى. حالىقتىڭ الدىندا جاۋاپ بەرەدى. ياعني حالىق ناعىز قازاقستاننىڭ كۇشىن، زاڭىن سەزىنە باستايدى، - دەدى ول.
سونىمەن قاتار، زاڭگەر حالىقتىڭ قۇقىقتىق ساۋاتتىن ارتتىرۋدىڭ ماڭىزىن ايتتى.
قازاقستان «جاڭا قازاقستان» بولۋ ءۇشىن، ءار قازاقستاندىق ءوزىن جاڭا قازاقستاندىق سەزىنۋ ءۇشىن ەڭ ءبىرىنشى ءوزىنىڭ قۇقىعىن ءبىلۋ كەرەك جانە كونستيتۋتسيالىق مىندەتىن ءبىلۋ كەرەك. ياعني زاڭعا باعىنۋ كەرەگىن. ونى بىلمەي، جاڭا، ادىلەتتى قازاقستاننىڭ، زاڭ ۇستەمدىگىنىڭ ورناۋى قيىن بولادى، - دەدى سەرىك اقىلباي.
قازاقستان زاڭگەرلەرى وداعى توراعاسى اتالعان باعىتتا زاڭگەرلەر وداعىنا كىرەتىن رەسپۋبليكالىق زاڭ كونسۋلتانتتارى القاسى قارقىندى جۇمىس ىستەپ جاتقانىن اتادى.
"ادىرنا" ۇلتتىق پورتالى
