مەن اقتاۋ قالاسىنداعى حيميا-بيولوگيا باعىتىنداعى نزم-ڭ 8D سىنىپ وقۋشىسى اميرحانوۆا تيلەكتەس، نازارباەۆ زياتكەرلىك مەكتەپتەرىندەگى «اۋىلداعى ەكى اپتا» الەۋمەتتىك جوباسى اياسىندا ماڭعىستاۋ وبلىسى، تۇپقاراعان اۋدانى، اقشۇقىر اۋىلىندا بولدىم. اۋىلدىڭ تىنىس-تىرشىلىگىمەن تولىقتاي تانىستىم.
«اۋىلداعى ەكى اپتا» الەۋمەتتىك جوباسىنىڭ نەگىزگى ماقساتى – ۇمىتىلىپ كەتكەن نەمەسە كوپتەن كورمەگەن اۋىلداعى اعايىنمەن قاۋىشۋ، اۋىلدىڭ تۇرمىس-تىرشىلىگىمەن تانىسىپ، وقۋشى بويىنا رۋحاني قۇندىلىقتاردى ءسىڭىرۋ جانە وقۋشىنى ەڭبەككە باۋلۋ. وسى جوبا اياسىندا وقۋشى ەكى اپتا اۋىلدا بولىپ، اتا-اجەسىنە نەمەسە تۋمالارىنا بارىپ، سول اۋىلدىڭ تىرشىلىگىمەن تانىسىپ، شىعارما دايىنداۋى قاجەت.
اۋىل دەگەن ءار بالا ءۇشىن ەرەكشە ىستىق قوي شىركىن! ويىن-ساۋىق، قىمىز-قىمىران، قاۋىن-قاربىز... اۋىل دارۋمەنگە باي. تەڭىز، باۋ-باقشا، جەمىس-جيدەك... اۋىل وسى اياۋلى ەسىمدەر مەن سوزدەردى وزىنە قامتىپ تۇرعانداي. اۋىل دەگەندە ايتىلار اڭگىمە بولەك. جاز كەلسە بولدى، اۋىلعا اسىعامىز دا تۇرامىز. ونداعى ادامدار وتە قوناقجاي. بارا قالساڭ، ءبارى ءماز-مەيرام بولىپ، سەنى كۇتىپ الادى. اۋىلداعى دوستارىم دا جاز كەلسە، ءبىزدى اسىعا كۇتەتىن.
اۋىلدىڭ بارىنەن دە تابيعاتى ۇنايدى. كوكتىڭ ءيىسى سىڭگەن تازا اۋا مەنى ءبىر كەرەمەت كۇيگە بولەيدى. ۇيلەردىڭ باۋلارى باۋ ەمەس، ورمان-توعايداي. جەمىستەرى قاشان كورسەڭ سامساپ ءپىسىپ، جەرگە دومالايدى دا جاتادى.
تاڭەرتەڭگىلىك مەن اتا-اجەممەن ەرتە تۇرىپ، مال قوراعا بارىپ، مالدى جايىلىسقا شىعارىسۋعا كومەكتەستىم. تاڭعى سامال ءشوپتىڭ ءيىسى اڭقىپ تۇرادى عوي شىركىن!! اجەممەن تەزەك يلەسىپ، ونى كەپتىردىك. تەزەك كەپكەسىن قىسقى وتىنعا جيناپ قويادى ەكەن. كەشكىسىن، سيىرلار جايىلىستان كەلىسىمەن، سۋ بەرىپ، قوراعا قامايمىز. اجەم ءسۇتىن ساۋىپ الادى، اتام بۇزاۋىن جىبەرىپ تۇرادى، ال مەن قاستارىندا ەركەلەپ كومەكتەسىپ ءجۇردىم.
تاڭەرتەڭگى سالقىنمەن باقشاعا كىرىپ، پىسكەن جەمىس-جيدەك، قىزاناق، ءجۇزىم، المۇرت، المالاردى تەرىپ الىپ، سىرتتارىن جۋىپ، داستارحانعا قويامىز. اۋىلدا ءبارى ءوز باقشالارىندا وسەدى، قالاداعىداي قىمباتشىلىق كورمەيسىڭ، قانداي كەرەمەت!!!
تۇسقايتا، كۇننىڭ ىسسىلىعى قايتتى-اۋ دەگەن ۋاقىتتا اۋلانىڭ ءىشىن سىپىرىپ، سۋ شاشىپ، سالقىنداتىپ قويامىن. جانە تەرەكتەردى سۋارىپ، باقشاعا سۋ جىبەرەمىن.
كۇندە كەشكى تاماققا اجەم مىندەتتى تۇردە بىزگە ساقتاعان سۇرلەنگەن ەتتەرىنەن ءتاتتى تاعامدار ءپىسىرىپ بەرىپ وتىردى. مەن كومەكتەسىپ، ەتتىڭ نانىن جازۋدى ۇيرەندىم. قازىنى قالاي ءپىسىرۋ كەرەك ەكەنىن ۇيرەندىم. كەشكى تاماقتى ۇنەمى تازا اۋادا، اۋلانىڭ ىشىنە استىمىزعا كىلەمشەلەردى توسەپ، اق داستارحاندى جايىپ، شۋلاسىپ، ازان-قازان اڭگىمەلەسىپ وتىرىپ تاماقتانامىز.
مەنىڭ ەڭ كەرەمەت كەزدەرىم دەپ جازعى مەزگىل، اۋىلدىڭ تازا اۋاسىنداعى كۇندەرىمدى ايتا الامىن.
اۋىلىمنىڭ كەشكى تابيعاتى مۇلدەم وزگەشە. الىستان شاڭدارىن كوتەرىپ مالدار ورىستەن كەلەدى. بارلىعى تولدەرىنە سۇتتەرىن تولتىرىپ الا كەلەدى. بۇل كورىنىستى انامىزدىڭ بىزگە دۇكەننەن تاتتىلەردى اكەلگەنىنە ۇقساتامىن. وسىمەن، «اۋىلدا ەكى اپتا» جوباسىن ءتامامدايمىن. مەن ۇنەمى تۋعان ەلىمدى ماقتاپ جۇرەمىن. سىزدەردى دە وسىعان شاقىرامىن. وسكەندە ءوز اۋىلىمنىڭ كوركەيۋىنە ءوز ۇلەسىمدى قوسامىن دەپ سەنەمىن.
"اۋىلىمنىڭ گۇلدەنگەنى - قازاق ەلىنىڭ گۇلدەنگەنى "- دەپ ويلايمىن.
اقتاۋ ق-عى حيميا-بيولوگيا باعىتىنداعى
نزم-ڭ 8D سىنىپ وقۋشىسى
اميرحانوۆا تيلەكتەس
جەتەكشىسى: امانتۇرلى ايگەرىم
