Men Aqtaý qalasyndaǵy hımııa-bıologııa baǵytyndaǵy NZM-ń 8D synyp oqýshysy Amırhanova Tılektes, Nazarbaev Zııatkerlik mektepterindegi «Aýyldaǵy eki apta» áleýmettik jobasy aıasynda Mańǵystaý oblysy, Túpqaraǵan aýdany, Aqshuqyr aýylynda boldym. Aýyldyń tynys-tirshiligimen tolyqtaı tanystym.
«Aýyldaǵy eki apta» áleýmettik jobasynyń negizgi maqsaty – umytylyp ketken nemese kópten kórmegen aýyldaǵy aǵaıynmen qaýyshý, aýyldyń turmys-tirshiligimen tanysyp, oqýshy boıyna rýhanı qundylyqtardy sińirý jáne oqýshyny eńbekke baýlý. Osy joba aıasynda oqýshy eki apta aýylda bolyp, ata-ájesine nemese týmalaryna baryp, sol aýyldyń tirshiligimen tanysyp, shyǵarma daıyndaýy qajet.
Aýyl degen ár bala úshin erekshe ystyq qoı shirkin! Oıyn-saýyq, qymyz-qymyran, qaýyn-qarbyz... Aýyl dárýmenge baı. Teńiz, baý-baqsha, jemis-jıdek... Aýyl osy aıaýly esimder men sózderdi ózine qamtyp turǵandaı. Aýyl degende aıtylar áńgime bólek. Jaz kelse boldy, aýylǵa asyǵamyz da turamyz. Ondaǵy adamdar óte qonaqjaı. Bara qalsań, bári máz-meıram bolyp, seni kútip alady. Aýyldaǵy dostarym da jaz kelse, bizdi asyǵa kútetin.
Aýyldyń bárinen de tabıǵaty unaıdy. Kóktiń ıisi sińgen taza aýa meni bir keremet kúıge bóleıdi. Úılerdiń baýlary baý emes, orman-toǵaıdaı. Jemisteri qashan kórseń samsap pisip, jerge domalaıdy da jatady.
Tańerteńgilik men ata-ájemmen erte turyp, mal qoraǵa baryp, maldy jaıylysqa shyǵarysýǵa kómektestim. Tańǵy samal shóptiń ıisi ańqyp turady ǵoı shirkin!! Ájemmen tezek ılesip, ony keptirdik. Tezek kepkesin qysqy otynǵa jınap qoıady eken. Keshkisin, sıyrlar jaıylystan kelisimen, sý berip, qoraǵa qamaımyz. Ájem sútin saýyp alady, atam buzaýyn jiberip turady, al men qastarynda erkelep kómektesip júrdim.
Tańerteńgi salqynmen baqshaǵa kirip, pisken jemis-jıdek, qyzanaq, júzim, almurt, almalardy terip alyp, syrttaryn jýyp, dastarhanǵa qoıamyz. Aýylda bári óz baqshalarynda ósedi, qaladaǵydaı qymbatshylyq kórmeısiń, qandaı keremet!!!
Túsqaıta, kúnniń yssylyǵy qaıtty-aý degen ýaqytta aýlanyń ishin sypyryp, sý shashyp, salqyndatyp qoıamyn. Jáne terekterdi sýaryp, baqshaǵa sý jiberemin.
Kúnde keshki tamaqqa ájem mindetti túrde bizge saqtaǵan súrlengen etterinen tátti taǵamdar pisirip berip otyrdy. Men kómektesip, ettiń nanyn jazýdy úırendim. Qazyny qalaı pisirý kerek ekenin úırendim. Keshki tamaqty únemi taza aýada, aýlanyń ishine astymyzǵa kilemshelerdi tósep, aq dastarhandy jaıyp, shýlasyp, azan-qazan áńgimelesip otyryp tamaqtanamyz.
Meniń eń keremet kezderim dep jazǵy mezgil, aýyldyń taza aýasyndaǵy kúnderimdi aıta alamyn.
Aýylymnyń keshki tabıǵaty múldem ózgeshe. Alystan shańdaryn kóterip maldar óristen keledi. Barlyǵy tólderine sútterin toltyryp ala keledi. Bul kórinisti anamyzdyń bizge dúkennen táttilerdi ákelgenine uqsatamyn. Osymen, «Aýylda eki apta» jobasyn támámdaımyn. Men únemi týǵan elimdi maqtap júremin. Sizderdi de osyǵan shaqyramyn. Óskende óz aýylymnyń kórkeıýine óz úlesimdi qosamyn dep senemin.
"Aýylymnyń gúldengeni - Qazaq eliniń gúldengeni "- dep oılaımyn.
Aqtaý q-ǵy Hımııa-bıologııa baǵytyndaǵy
NZM-ń 8D synyp oqýshysy
Amırhanova Tılektes
Jetekshisi: Amanturly Áıgerim
