17 تامىز مەملەكەت باسشىسى قاسىم-جومارت توقاەۆتىڭ وكىمىمەن ەرلان تۇرعىمباەۆ پرەزيدەنتتىڭ كەڭەسشىسى لاۋازىمىنان بوساتىلدى. ال 18 تامىز نۋرسۋلتانسكي سولوۆەي» تەلەگرام-كانالى «تۇرعىمباەۆتىڭ ۇستىنەن قىلمىستىق ءىس قوزعاۋ ماسەلەسى شەشىلگەنىن» مالىمدەدى. بۇل تۋرالى كانال پوليتسيا گەنەرال-لەيتەنانتى ە.تۇرعىمباەۆ كەڭەسشىلىكتەن كەتەردەن ءتورت كۇن بۇرىن عانا جاريالادى، دەپ حابارلايدى “ادىرنا” ۇلتتىق پورتالى.
«ۇقك-ءنىڭ بۇرىنعى توراعاسى ك.ماسىموۆكە قاتىستى جۇرگىزىلگەن تەرگەۋدىڭ ناتيجەسى بويىنشا ءىىم-ءنىڭ بۇرىنعى باسشىسى ەرلان تۇرعىمباەۆقا «قاڭتار بۇلىگىنە» قاتىستى ايىپ تاعۋ ماسەلەسى شەشىلىپ جاتىر»، دەلىنگەن جازبادا.
سونداي-اق، تەلەگرام-كانال بۇلىك بولعان كۇندەرى ءماسىموۆتىڭ تۇرعىمباەۆتى ارەكەتسىزدىككە يتەرمەلەگەنىن، «الماتىعا شابۋىل جاساعان 20 مىڭ تەرروريست» تۋرالى پرەزيدەنتكە تۇرعىمباەۆتىڭ ايتقانىن، ونى ءماسىموۆتىڭ راستاعانىن جازعان. بۇدان بولەك، ءماسىموۆ پەن تۇرعىمباەۆ ەلورداعا شابۋىل جاسالۋى مۇمكىن ەكەنىن جەتكىزىپ، مەملەكەت باسشىسىن اقوردادان كەتىپ قالۋعا ۇگىتتەگەن كورىنەدى.
توقاەۆ قاڭتار بۇلىگىنە قاتىستى كەزەكتى ءبىر سۇحباتىندا ءوزىن «كەيبىر ازاماتتاردىڭ سامولەتپەن نەمەسە ۆەرتولەتپەن اقوردادان كەتىپ قالۋعا ۇگىتتەگەنىن» ايتقانى راس. بىراق بۇلاردىڭ اراسىندا تۇرعىمباەۆ بولدى ما، جوق پا، ول جاعى ازىرگە بەلگىسىز.
“ادىرنا” ۇلتتىق پورتالى
