مەملەكەت باسشىسى NVIDIA كومپانياسىنىڭ نەگىزىن قالاۋشى جانە پرەزيدەنتى دجەنسەن حۋانگتى قابىلدادى. بۇل تۋرالى اقوردا جازدى، دەپ حابارلايدى "ادىرنا".
كەزدەسۋدە پرەزيدەنت قاسىم-جومارت توقاەۆ NVIDIA باسشىسى ساپارىنىڭ ەكىجاقتى ىنتىماقتاستىقتى نىعايتۋداعى ماڭىزىن اتاپ ءوتىپ، ونىڭ وتاندىق جاساندى ينتەللەكت ەكوجۇيەسىن دامىتۋعا قوسقان ۇلەسىنە ريزاشىلىق ءبىلدىردى.
"NVIDIA كومپانياسىمەن ىقپالداستىققا سونى سەرپىن بەرۋ تۇرعىسىنان ساپارىڭىزدىڭ ءمانى زور. سەرىكتەستىگىمىزدى نىعايتۋ جولىنداعى جانە قازاقستاننىڭ يگىلىگى ءۇشىن اتقارىپ جاتقان ەڭبەگىڭىزگە العىس ايتقىم كەلەدى", – دەدى مەملەكەت باسشىسى.
مەملەكەت باسشىسى NVIDIA مەن Higgsfield كومپانيالارى اراسىنداعى ارىپتەستىكتى قۋاتتايدى. ونىڭ ايتۋىنشا، حالقىمىز اتالعان كومپانيانىڭ وتاندىق تەحنولوگيالىق جوبالارعا اتسالىسقانىن قۇپ كورەدى.
سونداي-اق، پرەزيدەنت قازاقستاندا جاساندى ينتەللەكتىنىڭ دامۋىنا ۇلەس قوسقانى ءۇشىن دجەنسەن حۋانگتى ءى دارەجەلى «دوستىق» وردەنىمەن ماراپاتتادى.
