17 tamyz Memleket basshysy Qasym-Jomart Toqaevtyń ókimimen Erlan Turǵymbaev Prezıdenttiń keńesshisi laýazymynan bosatyldy. Al 18 tamyz Nýrsýltanskıı soloveı» telegram-kanaly «Turǵymbaevtyń ústinen qylmystyq is qozǵaý máselesi sheshilgenin» málimdedi. Bul týraly kanal polıııa general-leıtenanty E.Turǵymbaev keńesshilikten keterden tórt kún buryn ǵana jarııalady, dep habarlaıdy “Adyrna” ulttyq portaly.
«UQK-niń burynǵy tóraǵasy K.Másimovke qatysty júrgizilgen tergeýdiń nátıjesi boıynsha IIM-niń burynǵy basshysy Erlan Turǵymbaevqa «Qańtar búligine» qatysty aıyp taǵý máselesi sheshilip jatyr», delingen jazbada.
Sondaı-aq, telegram-kanal búlik bolǵan kúnderi Másimovtiń Turǵymbaevty áreketsizdikke ıtermelegenin, «Almatyǵa shabýyl jasaǵan 20 myń terrorıst» týraly prezıdentke Turǵymbaevtyń aıtqanyn, ony Másimovtiń rastaǵanyn jazǵan. Budan bólek, Másimov pen Turǵymbaev Elordaǵa shabýyl jasalýy múmkin ekenin jetkizip, memleket basshysyn Aqordadan ketip qalýǵa úgittegen kórinedi.
Toqaev Qańtar búligine qatysty kezekti bir suhbatynda ózin «keıbir azamattardyń samoletpen nemese vertoletpen Aqordadan ketip qalýǵa úgittegenin» aıtqany ras. Biraq bulardyń arasynda Turǵymbaev boldy ma, joq pa, ol jaǵy ázirge belgisiz.
“Adyrna” ulttyq portaly
