استانادا جاڭا مەشىت اشىلىپتى. سوڭعى كەزدە قيت ەتسە مەشىت اشقىش بولىپ كەتتىك. مەشىتتى سالاتىندار سول باياعى وتىز جىل بويى بيلىكتىڭ مايلى جامباسىن ۇستاعاندار. الدە، وتىز جىل بويى حالقىن توناپ، ەندى سول ءۇشىن قۇدايدان كەشىرىم سۇراماقشى ما؟
مەنى تاڭ قالدىرعانى بۇگىنگى مەشىتتىڭ اشىلۋىنا كەلگەن ىعاي-سىعايلار بولدى. كەشەگى ەسكى قازاقستان تولىق قۇراممەن جينالىپتى. باسى زەينەتكەر نازارباەۆ باستاپ، بەردىبەك ساپارباەۆ، ارەڭ قۇتىلعان مامين، اماندىق باتالوۆ، ايدىن راقىمباەۆ دەيسىز بە ءبارى ءجۇر. ءبىز بۇلاردى انتيكور تەرگەپ جاتقان شىعار دەسەك بۇلار ءماز-مەيرام بولىپ مەشىتتىڭ اشىلۋىندا ءجۇر. قالاي جىنىڭ ۇستامايدى؟
ءبىرىنشى سۋرەتكە قاراساڭىزدار ەلباسىنىڭ تاسى دەپ اسپەتتەپ قويىپتى.
"مەن بۇل مەشىتتىڭ تاسىن پرەزيدەنت وكىلەتتىگىنەن وتستاۆكاعا كەتەر الدىندا ءبىر كۇن بۇرىن قويدىم. مۇسىلمان رەتىندە مەشىت سالۋعا باستاماشىلىق ەتۋدى قاسيەتتى بورىشىم سانادىم. بۇل مەشىت الەمدەگى ەڭ ۇلكەن مەشىتتەردىڭ ءبىرى. مەشىت قۇرىلىسىنا جەكە ينۆەستورلار قولداۋ كورسەتتى. قۇرىلىسقا ەل بيۋدجەتىنەن قاراجات الىنعان جوق. بارشا قازاقستاندىقتاردى وسى جارقىن وقيعا – ەلوردامىزدا مەشىتتىڭ اشىلۋىمەن شىن جۇرەكتەن قۇتتىقتايمىن»، - دەپتى قازاقستانداعى ەڭ بلاتنوي پەنسيونەر.
ەلدەگى بۇكىل شارۋانى شەشىپ بولىپ، ەندى وسى مەشىت سالۋى قالىپ ەدى. تۇسىنەر ەدىم بەكبولات ايتقانداي حالىقتىڭ اۋزىنان اق ماي اعىپ، كۇنىنە بەس ۋاقىت مەشىتكە شاپقىلاپ جۇرسە. كۇندەلىكتى جەيتىن تاماعىن قايتىپ تابامىن دەپ تەنتىرەپ جۇرگەن حالىققا بالاباقشا، مەكتەپ كەرەك!
ايتپاقشى، چينوۆنيك تەلەگرامم ارناسىنىڭ جازۋىنشا وسى مەشىتتىڭ اشىلۋىنا ۇقك-ءنىڭ ەكس-زامى سامات ءابىش تە كەلىپتى دەيدى.
نازارباەۆتىڭ ءباسپاسوز حاتشىسى ايدوس ۇكىباي ەلباسى دەپ جازىپتى.
وڭعار قابدەن
