قازىر قازاقستاننىڭ ەكس-پرەزيدەنتى نۇرسۇلتان نازارباەۆ كانتسەليارياسىنىڭ بۇرىنعىداي ىقپالى جوق. بۇل تۋرالى سەنات توراعاسى ماۋلەن اشىمباەۆ ايتتى، دەپ حابارلادى “ادىرنا” ۇلتتىق پورتالى.
باق وكىلى ماۋلەن اشىمباەۆقا «قازىر بۇرىنعى مەملەكەت باسشىسى نۇرسۇلتان نازارباەۆ كانتسەليارياسىنىڭ كەرەگى بار ما؟ وعان ميللياردتاعان قارجى بولىنەدى» دەپ سۇراق قويدى.
توراعا وندا قىسقارتۋ بولعانىن، بۇرىنعىداي ىقپالى جوعىن اتاپ ءوتتى.
“مەنىڭ بىلۋىمشە، كانتسەلياريانىڭ كولەمى قىسقارعان.. وندا جۇمىس ىستەپ جاتقان ادامداردىڭ سانى دا كۇرت ازايدى. وسىعان بايلانىستى بيۋدجەتتى قاراعاندا قارجى ء(بولۋ) ماسەلەسىن قارايتىن شىعارمىز. وندا بۇرىنعىداي ءبىراز ادام جۇمىس ىستەپ جاتقان جوق، ءارى قازىر ۇلكەن فۋنكتسيالارى دا جوق... بۇرىنعىداي ءسىز ايتقان ملرد-تاعان قارجى (بولىنەتىن), فۋنكتسياسى بار، مەملەكەتتىك ورگاندارمەن جۇمىس ىستەيتىن ينستيتۋت تۋرالى اڭگىمە جوق”، - دەدى ول سەناتتىڭ جالپى وتىرىسىنان سوڭ.
ايتا كەتەيىك، 2022 جىلى قازاقستاننىڭ تۇڭعىش پرەزيدەنتى نۇرسۇلتان نازارباەۆتىڭ كەڭسەسىندە شتات سانى 40 پايىز قىسقاردى. قازىر كەڭسەدەگى شتات سانى – 30 بىرلىك.
