Astanada jańa meshit ashylypty. Sońǵy kezde qıt etse meshit ashqysh bolyp kettik. Meshitti salatyndar sol baıaǵy otyz jyl boıy bıliktiń maıly jambasyn ustaǵandar. Álde, otyz jyl boıy halqyn tonap, endi sol úshin Qudaıdan keshirim suramaqshy ma?
Meni tań qaldyrǵany búgingi meshittiń ashylýyna kelgen yǵaı-syǵaılar boldy. Keshegi eski Qazaqstan tolyq qurammen jınalypty. Basy zeınetker Nazarbaev bastap, Berdibek Saparbaev, áreń qutylǵan Mamın, Amandyq Batalov, Aıdyn Raqymbaev deısiz be bári júr. Biz bulardy Antıkor tergep jatqan shyǵar desek bular máz-meıram bolyp meshittiń ashylýynda júr. Qalaı jynyń ustamaıdy?
Birinshi sýretke qarasańyzdar Elbasynyń tasy dep áspettep qoıypty.
"Men bul meshittiń tasyn prezıdent ókilettiginen otstavkaǵa keter aldynda bir kún buryn qoıdym. Musylman retinde meshit salýǵa bastamashylyq etýdi qasıetti boryshym sanadym. Bul meshit álemdegi eń úlken meshitterdiń biri. Meshit qurylysyna jeke ınvestorlar qoldaý kórsetti. Qurylysqa el bıýdjetinen qarajat alynǵan joq. Barsha qazaqstandyqtardy osy jarqyn oqıǵa – elordamyzda meshittiń ashylýymen shyn júrekten quttyqtaımyn», - depti Qazaqstandaǵy eń blatnoı pensıoner.
Eldegi búkil sharýany sheship bolyp, endi osy meshit salýy qalyp edi. Túsiner edim Bekbolat aıtqandaı halyqtyń aýzynan aq maı aǵyp, kúnine bes ýaqyt meshitke shapqylap júrse. Kúndelikti jeıtin tamaǵyn qaıtyp tabamyn dep tentirep júrgen halyqqa balabaqsha, mektep kerek!
Aıtpaqshy, Chınovnık telegramm arnasynyń jazýynsha osy meshittiń ashylýyna UQK-niń eks-zamy Samat Ábish te kelipti deıdi.
Nazarbaevtyń baspasóz hatshysy Aıdos Úkibaı Elbasy dep jazypty.
Ońǵar Qabden
