اقمولا وبلىسىندا ەرەسەكتەردىڭ قاراۋىنسىز قالعان ەكى بالاعا ىس ءتيىپ قايتىس بولدى. بۇل تۋرالى اقمولا وبلىسى تجد ءباسپاسوز قىزمەتى ءمالىم ەتتى، دەپ حابارلايدى “ادىرنا” ۇلتتىق پورتالى.
“بۇگىن، 11 تامىزدا جاقسى اۋدانىنىڭ جاڭا قيما كەنتىندە ەكى پاتەرلى تۇرعىن ءۇي تۇتىندەگەن. قاراۋسىز قالعان 2019 جانە 2017 جىلعى تۋعان ەكى بالانىڭ سىرىڭكەمەن ويناۋلارى ناتيجەسىندە جيھاز ورتەنىپ كەتكەن. ءتۇتىندى كورگەن كورشى تەرەزەنى سىندىرىپ، بالالاردى تازا اۋاعا شىعارىپ، ءورت سوندىرۋشىلەردى شاقىرعان. ءورت ءسوندىرۋ قىزمەتى وقيعا ورنىنا 5 مينۋت ىشىندە جەتتى”، دەلىنگەن حابارلامادا.
تۇتىننەن ۋلانعان بالالار قيما اۋىلدىق اۋرۋحاناسىنا دەرەۋ جەتكىزىلىپ، مەديتسينالىق مەكەمەدە ەستەرىن جيماستان كوز جۇمدى.
قايعىلى وقيعا كەزىندە بالالاردىڭ اكەسى جۇمىستا بولعاندىعى، ال اناسى از ۋاقىتقا دۇكەنگە كەتكەندىگى بەلگىلى بولدى. ءورتتىڭ الدىن الا سەبەبى – بالالاردىڭ وتپەن ويناۋى.
شاقىرۋ ورنىنا جاقسى اۋدانىنىڭ 13-ءوسب جانىنداعى جاڭا قيما اۋىلىنىڭ 28-ءوپ ءورت ءسوندىرۋ بولىمىنەن 3 ادام جانە ءبىر بىرلىك تەحنيكا شىقتى.
“ادىرنا” ۇلتتىق پورتالى
