جامبىل وبلىسىنداعى جارىلىس ورىن العان ساتتە زارداپ شەككەن ايەل قازىرگى جاعدايى تۋرالى بايانداپ بەردى، دەپ حابارلايدى "ادىرنا" ۇلتتىق پورتالى AIBAT جاڭالىقتار قىزمەتىنە سىلتەمە جاساپ.
بەينەجازبادان جارىلىس ەكپىنى ءدامحانادا تۇرعان ايەلدى بىرنەشە مەترگە ۇشىرىپ جىبەرگەنىن بايقاۋعا بولادى. زارداپ شەككەن ايەلدىڭ ايتۋىنشا، ول دامحاناعا تاماقتانۋعا بارا جاتقاندا ءورتتى بايقاعان.
كولىكپەن كەلە جاتقاندا قارا ءتۇتىندى كوردىم، ول كەزدە ءشوپ ورتەنىپ جاتىر دەپ ويلادىم، مۇندا اسكەري قويما بار ەكەنىن دە بىلمەپپىن. تاماققا تاپسىرىس بەرگەنبىز، ءبىر كەزدە جارىلىستىڭ داۋىسى ەستىلدى. ورنىمنان تۇرىپ، تەرەزەگە جاقىنداي بەرگەنىمدە جارىلىس ەكپىنى ۇشىرىپ اكەتتى. بۇلاي بولادى دەپ ويلامادىم، – دەيدى ۆيدەوداعى ايەل.
ايتۋىنشا، تەرەزە اينەگىنىڭ سىنىقتارى ونىڭ بەتىنە ءتيىپ، ەسىنەن تاڭدىرعان.
قاتتى ەسەڭگىرەپ قالدىم. اۋرۋحاناعا بارمادىق. قالاداعى دارىحاناعا بەت الدىق. بەتىمدەگى اينەكتەردى ءوزىم شىعاردىم، بىرەۋى تابانىما دا كىرىپ كەتىپتى. ون شاقتى اينەك بولدى-اۋ دەيمىن. ۇيگە كەلىپ، جاراقاتتارىما ءدارى جاقتىم. نە ىستەرىمدى بىلمەدىم. سول كۇنى ۇيىقتاي الماي، ەرتەسى جۇمىستان قالدىم. مەنىڭ جاقىن تۋىستارىم سول كۇنى نە بولعانىن دا ەستىمەدى”، – دەيدى ول.
قازىر ايەل جاعدايى ەداۋىر جاقسارعانىن جەتكىزدى.
ايتا كەتەيىك، جامبىل وبلىسى بايزاق اۋدانىندا جارىلىس سالدارىنان 15 ادام كوز جۇمىپ، تاعى 98-ءى ءتۇرلى جاراقاتتار العان.
"ادىرنا" ۇلتتىق پورتالى
