جوباعا كومپانيالار توبىنىڭ قايىرىمدىلىق وپەراتورى - «Samruk-Kazyna Trust» قورى 211 ميلليون تەڭگە ءبولدى. بۇل قارجى عيماراتتىڭ ديزاينىنا، كەڭىستىكتى زاماناۋي جيھازبەن جانە جوعارى تەحنولوگيالىق جابدىقتارمەن جابدىقتاۋعا جۇمسالدى. ناتيجەسىندە «OzgeEpic Oral» حابىندا تەاتر جانە كورمە زالدارى، مۋزىكالىق، انيماتسيالىق دىبىس جازۋ ستۋديالارى، كوۆوركينگ الاڭدارى مەن ءبىلىم بەرۋ ايماقتارى پايدا بولدى. مۇندا شەبەرلىك ساباقتارى، كورمەلەر مەن مادەني ءىس-شارالار تۇراقتى تۇردە ءوتىپ، جاڭا جوبالار جۇزەگە اسىرىلادى.
«سامۇرىق-قازىنا» قورىنىڭ قولداۋىمەن وسىعان دەيىن كرەاتيۆتى ورتالىقتار اقتوبە مەن پەتروپاۆلدا اشىلدى.
سوڭعى ءتورت جىلدا «سامۇرىق-قازىنا» قورىنىڭ كومپانيالار توبى اتىنان بقو-دا 1,5 ملرد تەڭگە بولاتىن 16 الەۋمەتتىك جوبا جۇزەگە اسىرىلدى.
اتاپ وتەيىك، كرەاتيۆتى حاب مادەنيەت جانە اقپارات مينيسترلىگى جانە باتىس قازاقستان وبلىسىنىڭ اكىمدىگى باستاماسىمەن، «سامۇرىق-قازىنا» قولداۋىمەن جانە «قاراشىعاناق پەترولەۋم وپەرەيتينگ ب.ۆ.» كومپانيالارىنىڭ سەرىكتەستىگى نەگىزىندە اشىلدى.
