استانا قالاسىندا بۇرىنعى شەنەۋنىك ەرجان باباقۇماروۆ الكوگولدىك ماساڭ كۇيدە كولىك جۇرگىزگەنى ءۇشىن 15 تاۋلىككە اكىمشىلىك قاماۋعا الىنىپ، جەتى جىلعا جۇرگىزۋشى كۋالىگىنەن ايىرىلدى، دەپ حابارلايدى "ادىرنا" ۇلتتىق پورتالى.
29 قاڭتار كۇنى تۇنگى ساعات 3 شاماسىندا استانا قالاسىنىڭ پوليتسيا قىزمەتكەرلەرى تولەباەۆ كوشەسىندە Toyota Land Cruiser Prado كولىگىن توقتاتتى. تەكسەرۋ بارىسىندا جۇرگىزۋشى ەرجان باباقۇماروۆتىڭ جەڭىل دارەجەدە ماس بولعانى انىقتالعان.
وسىعان بايلانىستى استانا قالاسىنىڭ مامانداندىرىلعان اۋدانارالىق اكىمشىلىك سوتى ونى قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 608-بابىنىڭ 1-بولىگىنە سايكەس كىنالى دەپ تانىپ، 15 تاۋلىككە قاماۋ جانە جەتى جىلعا كولىك جۇرگىزۋ قۇقىعىنان ايىرۋ جازاسىن تاعايىندادى.
ايتا كەتەيىك، ەرجان باباقۇماروۆ 2019-2022 جىلدار ارالىعىندا الماتى قالاسى اكىمىنىڭ ورىنباسارى قىزمەتىن اتقارعان. 2022 جىلدان باستاپ پرەزيدەنت جانىنداعى ورتالىق كوممۋنيكاتسيالار قىزمەتىنىڭ باسشىسى بولىپ قىزمەت ەتتى.
